السلام عليكم ورحمة الله وبركاته
اللي جربت السفيداب ياليت تقول لنا :-
1/ استفادت منه ام لا؟؟
2/ كم مدة ظهور مفعوله؟؟؟
3/ كيف كانت طريقة وضعه سواء للوجه او للجسم؟؟
4/ هل يغني عن الصابون للاستحمام؟؟؟
الله يسعدها ويوفقها مين ترد علي
:27:
يلزم عليك تسجيل الدخول أولًا لكتابة تعليق.
الصفحة الأخيرة
/ استفادت منه ام لا؟؟
اي نعماستفدت منه بتوحيد لون الجسم وتفتيحه
2/ كم مدة ظهور مفعوله؟؟؟
تقريبا بعد 3 او 4 استعمالات
3/ كيف كانت طريقة وضعه سواء للوجه او للجسم؟؟
اطحن كمية ربع كوب من السفيداب + 5 ملاعق حليب بودر + 5 ملاعق طحين+ ملعقة زيت زيتون +4 ملاعق طحينه++ و شوي من الماء ++يعني لما يصير السائل ثقين جدا بحيث اذا قعد بالجسم ما يسيل يعني ثابت بمكانه و طريقة الاستعمال اول شي تتروشين والافضل بماء ساخن و تطلعين و تغسلين الجسم بصابون مغربي لمدة 3 دقائق مع فرك بالليفه المغربيه و من بعدها ادخلي مره ثانيه تروشي و اطلعي و حطي من الخلطه على جميع السم والوجه وخصوصا الاماكن الغامقه الللي بالي بالج لمدة 10 دقائق وانا مرات احط كرسي بالحمام واقعد عليه و اكون مغلفه الكرسي بكيس نايلون و الافضل طبعا ربع ساعه يعني لا تستعجلين و اثناء الربع ساعه او العشر دقايق احط شامبو على شعري و اسوي مساج بخفه و ببطئ عشان يروح الوقت بسرعه و اغطي شعري بكاب عشان لا يتلامس الشعر مع الخلطه ..و اقص اظافري او ابردهم و افرك رجولي بالحجر او اسوي مساج لشد الجسم وغيره ..و بعد ما تمر الربع ساعه اجيب الليفه المغربيه اللي تكون منقوعه بماء حار من اول ما تدخلين الحمام و تفركي الخلطه بالجسم كله بالدعك و بقوه عشان الدوره الدمويه تتنشط و بعدين اغسل جسمي بصابون طاوش او الرقي او المغربي بس انا افضل الطاوس و تلقين هالاشياء كلها بالحواج اي نسي اضيف انج تختمين الحمام بماء بارد جدا على جميع اجزاء الجسم عشان يشدها و يسكر المسامات و بعد الحمام تحطين كريم مرطب للجسم .. و شوفي عجب العجاب
4/ هل يغني عن الصابون للاستحمام؟؟؟
لا ما يغني لازم تستخدمين صابون خالي من المواد عشان تستفيد البشره اكثر و تنظف من رائحة الخلطهه والسفيداب
و انا اعمل الخلطه 3 مرات بالاسبوع
وهذي تجربتي بحيث صار لببون متوحد خصوصا الاماكن مثل الرقبه و غيرها احم احم ..
تحياااااااااتي لكم