الاخوات كفوا ووفوا
بس اضيف لازم تتحركين وتمشين كثير تفاديا للجلطات
صح الحركه تألم بس ضرووووريه ومن ثاني يوم
الله يقومك بالسلامه

بالنسبة للبنج عندنا في البحرين في الغالب يكون نصف ، يعني الجزء السفلي فقط هو اللي يكون مبنج

انا لما سويت عملية كانت مدة البنج تقريبا خمس ساعات، وطبعا تكون ابرة في اسفل الظهر

جرح العملية ما يألم بس لان العملية القيصرية تعتمد على شق البطن وطبعا من ضمنها شق عضلات البطن واحنا معظم حركتنا يعني في القومة والقعدة نعتمد على هالعضلات بتكون الحركة صعبة في اول الايام

يعني بتلاقين صعوبة انج تقومين من السرير ولما توقفين نفس الشي ولما تبغين تقعدين مرة ثانية وحتى التقلب في النوم احتمال ما تقدرين الا بصعوبة

طبعا في اليوم الاول من العملية ما يخلونج تقومين ابد يعني القسطرة البولية الله يكرم السامع تكون موجودة والمغذي

يعني اول يوم لا حركة ولا اكل

اما اليوم الثاني تقدرين تمشين وتتحركين بس طبعا بشوووويييييييش

الله يسهل عليكي ولو اني ما انصحك تسوين عملية لان الطبيعي اريح بكثير ، صح تعب وقت الولادة بس عقب الولادة راحة بعكس القيصرية


بالتوفيق

مشكورين ماقصرتوا

المشكله لازم اسوي عمليه لان الجنين مقعدي
وغير كذا خاطري انا اللي ابشر امي بولادتي عشان كذا اسئل عن مده البنج بعد العمليه

الله يقومك بسلامه

انتي ادعي ربي بالطبيعي ترا اسهل بكثير وياكثر الي قالو لهم الطفل قاعد ولازم عمليه وربي سهل عليهم وجابو طبيعي بالنسبه لاسئلتك زي ماقالو لك الاخوات الساابقات ما ازود عليهم بشي الله يسهل عليك وعلى جميع نساء المسلمين