بشرينا عنك الحين لك سنتين هاه كيف العمليه وحملتي ثاني والا لا
وهل الثاني كطبيي والا عمليه
الصفحة الأخيرة
انا دخلوني العمليات يوم الخميس العصر وبعد ماطلعت منها ومن غرفة الملاحظه تاخذ تقريبا ساعه ونص لحد ماصحيت من البنج عشان يراقبون الضغط بعدها جاء الشي الصعب وطلبوا مني انتقل من سرير العمليات الى سرير التنويم ماتتخيلين التعب ومستحيل يشيلوني هم للسرير مع انه زوجي كان عندي وطلب انه هو ينقلني للسرير الثاني ورفضوا الممرضات قالوا لو ماتحركت الحين وتغلبت على الالم من اول شي مستحيل تتشجع بعدين وتتحرك وبصراحه جادين بكلامهم بس كان المتعب بالموضوع ان الدنيا تدور فيني لاني ماصحصحت بشكل كامل من البنج والقسطره متعبه مع الحركه وبعدها رحت للتنويم و جابوا لي البيبي وشفته ونمت علطول طبعا عطوني مسكنات بس كان معاي مغص وظهري كنه مكسور بعد الولاده وما اقدر اتحرك من القسطره وكل شوي يجون الممرضات يغيرون لي الفوطه الله يعزكم بس بصراحه شعور مقرف ومتعب الله يعيينا ويجعله على اجر ومن بكرا الصباح الساعه 9 جو الممرضات وشالوا القسطره وعطوني تحميله عشان اروح الحمام وشوي ودوني الحمام وسبحوني ولبست ملابسي طبعا كنت ما ازال دايخه من البنج وجابوا لي جلي افطر عليه بصراحه استغربت بس بعدين عرفت ان الجلي يساعد على التئام الجرح وعلى العصر جابوا لي البيبي عشان ارضعه ووخلوني امشي قد ما اقدر ويوم الاحد طلعت من المستشفى بحجة انه زحمه مع انه مستشفى خاص بس الحمد لله عدت على خير
1-القسطره اطلبي انهم يركبونها بعد مايبنجونك وهالشي بيخفف عليك وترا مو كل المستشفيات نفس النظام
2-لا تطعين من المستشفى قبل 5 ايام اريح لك وخاصه مافي احد يقوم فيك بالبيت
3-الجرح خليه مكشوف وغسليه بصابون طبي غير معطر وامسحيه بمسحات طبيه بس وبعد اسبوع ادهنيه بكريم ميبو الطبي كويس ويشيل اثر الجرح
4-انا بصراحه ماسويت تمارين ولا ربطت بطني والحين ندمانه بس اللي اعرفه انك ممكن تربطين بعد شهرين بس لاتشدين على الجرح
5-الخياطه تكون تجميليه يعني ليزر او خيوط تذوب وماتحتاج يشيلها الطبيب
6-المشي ثم المشي ثم المشي وخلي ظهرك مستقيم بيكون صعب بالبدايه لان الجرح يتعبك بس مع الوقت بتهون عليك وترا المشي يخيط الجرح الداخلي بالرحم ويشيل الالتصاقات الناتجه عن الجراحه في المبايض
7-توكلي على الله وكثري استغفار واستخاره ولو يقدر احد من اهلك يجي عندك لو اختك الصغيره او اخت زوجك تنفعك شوي او كان عندك جارات مايقصرون معك وربي يسهل لي ولكي وبنات المسلمين
عارفه كثرت عليك واي سؤال انا حاضره