UP

الدكتورة اسمها فايزه كويسه جربتها بنت خالتي
والله يهون عليك يارب
ولاتنسينا م دعائك اختك ديوم

لا فض فوك . ماقصرتي وفيتي وكفيتي..
عندي اضافه على كلام حبيبتي ام لولو كاتي
اذا انتم واثقين بالمستشفيات الحكوميه .. ابي اسألكم سؤال
يعني المستشفى الحكومي اللي فيه كل التجهيزات مافيه اخطاء طبيه؟؟
طيب انا بعطيكم مثال .. امستشفى العسكري << بنت خالتي سببولها التصاقات بالرحم والحين لها 3 سنين تعالج
مستشفى الملك خالد الجامعي << سلفتي لين الحين تعالج بسبب خطأ طبي سبب لها فتحه بجدار الرحم وجاها تكلسات
مستشفى اليمامه .. خالتي تراجع عندهم وتوفت بنتها لأنهم استهانوا بالسكر
طيب خلوا المستشفيات الحكوميه على جنب
نجي للمستشفيات الاهليه الكبيره اللي عندهم خبره وعندهم تجهيزات وكل شي
مستشفى دله .. صديقة امي رايحه مافيه الا العافيه طلعت منهم الحالب مشيول المثانه مجروحه وعمليه قيصريه بدون سبب يذكر
مستشفى الحمادي صديقتي ولدت فيها وبعد 20 يوم اكتشفت ان الدكتورة نست المشيمه جوا وخيطتها وماطلعت المشيمه
وجاها التصاقات وضعف تبويض وما الى ذلك من المشاكل ولها 5 سنين تعالج
مستشفى التخصصي الطبي صديقة اختي روعوها في بنتها قالوا فيها ورم كبير لازم قيصريه يوم طلعت البنت ومافيها الا العافيه بس طمع وزيادة مصاريف
نجي عاد للحبيب الحبيب اللي ماخذ سمعه كبر قريح على غير سنع
نصب وزحمه ولا اشوف فيه اي ابداع بالحياة .. اول شي ماديين بحت واانا وحده من اللي عانوا من ماديتهم
الاخطاء الطبيه حدث ولاحرج وحده اعرفها ولدت فيه وجابت بنت ومن ردى ممرضاتهم يوم سبحوا بنتها زلقت وطاحت بالارض .. انا مااقول البنت جاها شي الحمدلله << علشان مااظلمهم بس ربي حماها << حطي نفسك بمكانها
نجي لآسعارهم زي ماقالت حبيبتي ام لولو كاتي .. تدرون ان الغرفه المشتركه يعني انتي ووحده بغرفه وحمام واحد ب 6000 ولاحظي ماتشمل اي شي غير الولاده يعني لو بتكحين بياخذون ألف << طبعا هالكلام لي واشكالي اللي ماعندهم تأمين
ولو تبين دكتورتك تولدك لازم الطلق وولادتك توقتينها على وقت دوامها والا بتطيحين بأي وحده تقابلك عاد انتي وحظك..
<< انا نظرتي مب سلبيه ..خلوا السلبيه الحين على جنب
بنت خالتي ولدت باليمامه وماجاها الا العافيه صديقاتي ثنتين ولدوا بالعسكري ومافيهم الا العافيه ..خالتي الثانيه بعد ولدت بمستشفى الملك خالد الجامعي ومره مرتاحه ..مرة عمي ماتولد الا بدله وماشافت منهم شي.. اختي ولدت مرتين عند نفس الدكتوره بالحمادي وعاجبها الوضع .. جارتي ولدت بالحبيب وتقول روعه
سلفتي توها والده بالتخصصي الطبي وتقول حلو
اللي ابي اوصله لكم ان التساهيل من رب العالمين ومن كثر ماقريت وماسمعت مالقيت مستشفى كامل ومهيأ وتدخلينه وانتي متطمنه .. يعني خلي اتكالك على الله .. واي مستشفى تمدحينه فيه غيرك يسبه
معلومه ثانيه :البريطاني له اكثر من سنتين فاتح .. عمركم سمعتوا ان صار فيه شي؟؟ سواء خطأ طبي او استهلاك مادي << انا عن نفسي ماشفت شي
وانا نفس حبيبتي ام لولو كاتي رحت لهم ودخلت كل جحر عندهم ماخليت شي مادخلته واستفسرت عنه .. لقيتهم مثلهم مثل اي مستشفى ثاني وعندهم كل الاشياء الضروريه لإتمام عملية الولاده بدون اي مضاعفات
كلمتهم عن خوفي من نقص الامكانيات .. قالوا وزارة الصحه ماتسمح بأي مستشفى او مركز صحي ينفتح بدون مايكون مهيأ من جميع النواحي ..
انا ماامدح البريطاني بس مايستاهل انه ينظلم وحنا ماشفنا منه شي والمستشفيات الثانيه اللي تلعب بالناس هي اللي ماخذه احسن سمعه

عموما اسفه جدا جدا على الاطاله وان شاءالله اكون افدتكم بلو شي بسيط من هالكلام الكثير
طلبتكم ماابي منكم الا دعوه بظهر الغيب بولاده سهله ميسره بدون الحاجه لتدخلات طبيه ( ولكم مثل ذلك)

الدكتوررة فايزه كويسه تابعت بنت خالتي
والله يهون عليك يارب ولاتنسينا من دعائك اختك ديوم

متابعة معاكم

وما اعرف احد ولد فيه شخصيا لكن للي ماعندها مشاكل او ما تتوقع مشاكل المستشفى يمدحونه
يقولون يجيبون لك صبابة ومدلكة غير غرفه حلوة ومستواه فخم