اللي جربت المعاناه مع الزوج المدمن تدخل تقولي وش سوت

صباح الخير 
بدخل ب الموضوع ع طول 
زوجي مدمن من سنين لييييييين وصل فيه يشوف 
اشخاص واشياء مانشوفها وتعب مره مره 
يجيب حصى يقول ذهب ويملا البيت ديزل وفلاش يقول راح يطلع الذهب كنت اخاف معه لما يقولي شاف رجال بيدخلون البيت او لقى سحر وووووو لين وصل فيه ماسك ساطور وسكين يقولي الرجال اللي دخل وش سوا فيك ويقول اعترفي غصب اخذ كل شي 
وقفل الباب علي  وعلى عيالي وبس نبكي وهو يصرخ يقول خل يطلع غصب من الضحى للساعه 12 في الليل الييين مسكوه الشرطه وانحشنا طبعآ كنت كاتبه قصتي هنا هذي السالفه صار لها ست شهور وانا في بيت اهلي طلع لي بقصص كثيره 
وتهديدات منه ومن اهله واقفين معه ويقولون اني كذابه وبتبلاه وامه تقول هي معطيته الساطور بس انا مريضه وخفت طلعوني مريضه ويبون يودوني دكتور نفساني حسبي الله ونعم الوكيل وكان يمسك بنته ويهددني فيها عيالي جتهم حاله نفسيه منهم صارو ياكلون اظافرهم وبس يبكون المهم اخر شي راح الامل 
وفعلآ صرت اشوفه تغير وصار زين كان يجي بس ماستمر راح مره والثانيه يقول رحت بس يكذب يعني يمكن اكل علاج لمدة اربعين يوم وبعد شهر من ترك العلاج وهو بادي يرجع نفس اول طيب يبوني ارجع له وانا اخاف رجع يشك ب الناس ورحت السوق معه يوم شاف شايب جلس يلعن ويشتم ويسب يقول هذا يحب الحريم ويخربط ع امي ويشكك غير اني اشوف احلام ويحذروني منه وان ماعاد فيه خير خلاص خيره للناس وشره علي طيب انا مقاطعته من اسبوع تهاوشت معه وماعاد ابيه ويقولون عطيه فرصه طيب نبتل 
قولو لي رااااااايكم 
انا معي ثلاثه منه وهو شخصيته ضعيفه وامه تمشيه ع كيفها
واتكالي وفقير يعني اللحين يقول ارجعي عيشي مع امي للعلم امه قويه وراعية مشاكل وماحد يبيها وقبل لما تتهاوش معه تطردنا من البيت وتهدددنا 
وانا ماعاد ابيه قلت لهم خوذوه اكشفو عليه اكدو لي هو طاب من المخدرات والبلاوي اللي كان ياكلها وابيه يتطوع والناس تشهد له ب الصلاح ويصلح نيته لله مابي مشاكل ووش رايككم 
بششروطي انا مالي لاابو ولااخوان الا من ابوي وولد اختي من ابوي جالس يقنعني اعطيه فرصه بس ماحد شاف اللي شفته وجربته يقولي انتي قويه وماتسمعين الكلام 😟😔😢