الله يسهل أمرها
بس زوار كل يوم !
عندنا بعد الأربعين تسوي حفلة أستقبال المباركين بالمولود
وعشاء وتقديم الهدايا

قولي لها تنام مع النونو عادي واذا صحي يبكي ترضعه ماعليه شي بأذن الله
مره تنومت على ولدي وكان عمره شهرين دخلت الممرضه وانا احاول ارضعه وهو نايم عصبت قالت اذا بيبي نوم يعني مافيه جووع
الاكل زوجها يجيب لها من برا وتعتذر من الضيوف اللي ماعندهم ذوق لاتجامل على حساب صحتها
الله يقويها ويعينها..

تطبخ وهي نفاس
ليه ساكنين بديرة مافيها مطاعم
وعندها طفل صغير
المفروض كانت تجيب شعالة
تشيل عنها حمل البيت
كمان زوجها وينه من دا كله
الولد مسئوليته طول ماهو صاحي
يمسك ولده ويخلي زوجته تنام مع البيبي
الزوار لو ماتقدر تستقبلهم
تعتذر منهم

ايه عادي ينام بعد الرضاعه كم ساعه متواصله مره وحده باليوم
والزوار تجمعهم بيوم
والاكل من برا

بعض الحريم ماتعرف تدلع نفسها ولاتهتم بنفسها مسويه انا الحرمه السنعه اللي نفاس وافطر هذا وارتب البيت واطبخ وبالاخير تخرب خياطتها ولاتنفس مضبوط وانواع الخراب ...اذا مانفعت نفسها محد بينفعها كان المفروض تجهز اغراضها كامله من اعشاب ولهوم وعسل وعبيطه ومطازيز والكشنه جاهزه بالفريزر للضروره القصوى تتسحب وتطبخ لها شي وباقي اكلها تعاقدت مع حرمه تسويلها اكلات تغذيها والبيت تجيب شغاله مرتين بالاسبوع او مره بالاسبوع تنظف البيت من والى وزوجها قبل يطلع لشغله يساعد باللي يقدر عليه مثلا يجيب فطور لها او يسويلها حليب ويحطه بترمس عندها يساعد بالي تبي هذي فترة الاربعين فتره راحه واسترخا وتغذيه ودلع للحرمه من عقب تعب الحمل والولاده ..