السلام عليكم ورحمه الله وبركاته

اهلين اختي مس هايدي

انا بقولك بصراحه .. اعرف ثنتين قريبات لي مره الاول والده مرتين اخر مره من 12سنه تقول قمه في الروعه والاهتمام وكل شي عندهم رائع حرصهم عليك وخياطتهم وهي كانت جايه من برا يعني مجربه مستشفيات امريكا .. وتمدحه مره تقول لو الوحده تقدر تولد فيه حلو..



والثانيه من 6 سنوات وتقول حلو لحد الولاده بعدها تركوها في غرفه العمليات وقالوا دبري نفسك ماعندنا غرفه يعني خروج .. بعد الخياطه على طول..

بس الاختلاف اللي سمعته انوه يعتمد على حسب دخولك للمستشفى يعني وشلون دخلتي ؟؟ على اساسه يعاملونك

واذا واسطتك كويسه يعاملونك تمام واذا لا الشكوى لله ...


اتمنى اكون افدتك ... ولا تحرمينا من دعواتك الحلوه ... الله يهون عليك ويسهل امرك وولادتك يااااااااااااااااااااااااااارب

أنا بصراحة ماجربت عندهم الخياطة لان ولدت قيصرية وكان بقمت الروعة من الاهتمام بس اللي ولدني سعودي جراح ومعه أستشاري من قسم الولادة والنساء ولان دكتورتي مفروض تجي بس كانت ماخذ أجازة علشات ترجع بوقت الولادة الطبيعية بس ولدت ولادة مبكرة لذا ما قدرت تجي. والتمريض عندهم قمة وللمعلومية هم لديهم أفضل طاقم تمريض , وترى من سياسة المستشفي تشجيع الرضاعة الطبيعية لذا بعد الولادة بساعتين يجبون الطفل ومعه أخصائية الرضاعة تعلمك وتساعد وكلمة حبيبة قليلة عليها , الاكل تطلبي من المطعم اللي تشتهينة الا أذا الدكتور موصي لكِ أكل معين , وتري أذا كنتي من بدايات الحمل متابعة معهم يهتمون فيك أم الي تجي بس وقت الولادة موا ذاك الزود وصراحة كانت الولادة عندهم رائعة غير الارتياح أنك بين أيدي أمينة هذا راي أنا .
تري أختي جربت أول ولادة عندهم لما كانت عندهم عيادات مسائية بفلوس وجربت الولادة الثانية عند الحمادي بس قالت أن مافي زي تمريض وعناية التخصصي ابداً
حتى الطفل يهتمون فية وأستشاري أطفال يجي يعمل الفحص عندك ويعلمك بحالة الطفل والحضانة حتى تعلمك كم تبرز وتبول وصراحة كلما سئلتي وعندك خلفي طبية وبينتي أهتمامك بصحتكِ وصحة طفلك كان أفضل , بالنسبة للغرف ماعندهم الا غرف مفردة الجميع لة غرفة خاصة.
وترى الكلام هذا من سنتين ونص وهذي تجربتي ومانبي غير أن نساعد على قد مانقدر وتولدين بالسلامة

ام أفنان
الله يوفقك وينجحك ويرفع من قدرك يا رب
________________________

@LOLO@
الله يسعدك ويوفقك يارب
جبرتي بخاطري ويعلم الله اني كنت محتاجة هالدعم
وهالدعوة لك والله من قلب
( ربي لاتذر اختي لولو فردا وانت خير الوارثين )
________________________

oOrZhOo
وعليكم السلام ورحمة الله وبركاته

الله يوفقك ويسعدك ويرزقك
ولا يحرمك من فضله وكرمه يا رب العالمين
________________________

غرفة السماء
الله يسعدك ويصلح لك ذريتك ويرزقك صلاحهم في الصغر وبرهم في الكبر
ويسعد اختك بعد ويوفقها ويصلح لها ذريتها

سبحان الله هالجملة ريحتني كثير الله يريحك دنيا وآخرة

شوفي لحد الحين افحط ابي مستشفى التخصصي وبحاول اجيب واسطه بأمر ملكي شوفي امر ملكي لان حالة الولادة ماتبي إلا واسطه قوية لان اغلب الي يدخلونها حالاات مستعصيه
صدقيني لا الحمادي ولا دلة ولا غيره راح تكون أفضل من مستشفى يضم استشارين وبرفسورات على مستوى المملكة في التخصصي
المسئلة مهيب مسئلة دلع وتغنج احنا مقبلين على حياة وموت انا وش يضمني انا في اثناء الولادة ماراح يصيبني شي أو لا سمح الله البيبي على الأقل لا صار شي أكون بعد رحمة ربي بين دكاترة على مستوى عالي من العلم والتجربه
صدقيني في ناس اعرفهم ولدو في دلة والحمادي انجبو اطفال يحتاجون رعاية خاصة من الله هالشي طبعا لا دلة ولا غيره قدرت تعالجهم صارو ياخذون على حضانة البيبي في اليوم خمس الاف من دون علاج بس على الحفاظ والرضعه لان علاجهم في التخصصي فقط لحد ماجابو واسطه بعد عشر ايام واكثر
شوفي مادية زوجي تسمح اني اولد في اي مستشفى أهلي لكن عندي قناعه تامة ماراح تكون أفضل من الحكومي وماهو اي حكومي احنا نتكلم عن مستشفى التخصصي يعد افضل مستشفى في الشرق الأوسط
أخت زوجي ولدت ست مرات فيه لانها جايبه أمر من الملك فهد الله يرحمه فكذا عندها ملف مفتوح فيه وتقول ماراح تلقين افضل من نظافتهم وحرصهم على سلامة وصحة البيبي ماتطلعين من المستشفى إلا وهم مفصفصينه وهذا هو الأهم في الموضوع :)
إذا عندك مجال أنك تولدين فيه توكلي على الله وهذي نعمة من ربي أنا جتك فرصه أنك تولدين في مستشفى مثل مستشفى التخصصي :)

يالله سترك
الله يوفقك ويسعدك ويرزقك
ولا يحرمك من فضله وكرمه يا رب العالمين
والله طيبتي خاطري وحببتيني بالمستشفى
الله يهون علينا وعلى كل مسلمة