اللي جربت ريجين او عندها عنه معلومات تجي الله يجزاها خير ..

انا حااقولك تجربتي وبكل امانة انا حبيت اجرب مادة المينوكسديل لاني سمعت انها تنبت الشعر وانا شعري طاح نصه بع فرد سويته فاشتريت بخاخ اسمه هير جرو من الصيدلية طبعا بدون وصفة طبيب سألت عنه الصيدلي واخدته وهو نفسه يحتوي على المينوكسديل لكن تختلف الاسماء التجارية جبته وبخيت منه زي ماهو مكتوب في الوصفة بعد تقريبا مااذكر بالظبط صرت احس بزغللة في عيني وضربات متزايدة في القلب بس ماشكيت انه من البخاخ لكن لما الاعراض مااختفت وصرت احس بصداع افتكرت انه اختي استخدمت الريجين قبل كم سنة وسبب لها نفس الحالة مع ضيقة فخفت منه وسالت الصيدلي فقلي اذا الاعراض مستمرة وقفيه لانه مانفعك وهنا يااختي في بنات كتبوا عنه انهم استخدموه ونفع معاهم فاعتقد يختلف من شخص لتاني لكن هادي تجربتي وحبيت افيدك وعلى فكرة يااختي هادي المادة المينوكسديل هي في الاصل يعالجوا بها مرضى الضغط واكتشفوا الدكاترة بالصدفة ان نها طلعت شعر للمرضى فاصبح دكاترة الجلدية يستخدموها في علاج الصلع فعلشان كدة بتسبب لك صداع لانها بتشتغل على الضغط

انا استخدمت ريجين لمدة سته شهور ومااعرف أيش تأثيره بالنسبة للحمل ، بس كنت احس يصداع ، ماشفت أي نتيجة من إستعماله ولا حسيت بأي فرق أو تحسن بالنسبه للشعر

هلا جوجور ..هلا الوجه الاخر لغيمه ..جزاكم الله خير على الافاده والتفاعل ماقصرتوا ..ياليت اذا احد ثاني عنده فكره يفيدني ومشكورين مقدما ...

المينوكسديل هي في الاصل يعالجوا بها مرضى الضغط واكتشفوا الدكاترة بالصدفة ان نها طلعت شعر للمرضى فاصبح دكاترة الجلدية يستخدموها في علاج الصلع فعلشان كدة بتسبب لك صداع لانها بتشتغل على الضغط



<<< كلام صحيح 100%


نفس اللي قاله لي الدكتور

مشكوره اختي برنسيسا ..لكن برضوه محد جاوب على تساؤلاتي الباقيه ..اتمنى فعلا القى تجاوب ودمتم ..