اللي جربت شئ خلاا اهلها يتغيرون تجي

السلام عليكم ......انا يابنات تقدرون تقولون ان اكبر همي هو أهلي !! ......اهلي قلبوا حياتي ....مدري وش اقول ....لان في نفس الوقت هم اقرب الناس لكن الجرح طلع منهم وهذا شئ صعب مرره واللي ابيه يابنات دعاء او اي شئ يخليهم حنونين والله تعبت من انتظارهم يحنون علي ....اهلي ناس قاسين علي ....نفسيتي زفت وشخصيتي معدومة وثقتي زيروا .....كلها بسبب اسلوبهم معي وقسوتهم .....مدري كيف اشرح لكن لاتجي وحده وتقول انا اوسوس وخرابيط ... لأن اهلي كل ماأكبر في العمر يقسون علي مدري ليش والله اذا استمروا كذا يمكن افقد صبري وانتحر ....اذا أهلي اللي هم اقرب ناس كذا معي مين اللي بيكون احسن منهم .....لاتقولون انتظر لين اتزوج لأني باقي مطولة مع ان أهلي خلاص شوية ويغصبوني اتزوج ....... يمكن لي 6 سنوات ومالهم يزيدون قسوة ......حتى دايم يقولون انتي فشلتينا وماترفعين روسنا بين الناس وووو.......وكل هذا الكلام بسبب دراستي جبت فيها جيدجدا وهذا شئ مو بكيفي وحتى اذا غبت يوم واحد قوموا الدنيا .....ومو بس بالدراسة .....لاااا بكل شئ واي خطأ يصدر مني مايراعوني ........بإختصار مهما أسوي من جميل مايفيد ولايشوفونه شئ ......هذا التعامل خلق مني شخصية مهزوزة جدا ......يتقطع قلبي اذا شفت بعض الأهالي كيف هما مع ابنائهم .....وبرضه هم بخيلين ولو طلبت شئ بسيط تنقلب وجيهم وكأني ماني بنتهم ولذلك فضلت احرم نفسي من كل شئ علشان مايزعلون حتى اني والله اذا سمعت البنات يقولون عني كلام ان اهلي شوي اغنياء وكذا امسك دموعي واقول ياليت انكم تعرفون .......ماتهم طلباتي عادي بصبر لين اتزوج واحققها لكن ابي تخفيف من الاهانات ابي احترام وتقدير ومو لازم يفتخرون فيني اصلا يكفي اني شريفه ومالوثت سمعتهم لكن سبحان الله مايشكرون والحمدالله انا مو راعية مشاكل وغيري في السجن يعني يحمدون ربهم ........خلاص يابنات تعبت من الكتابة وماابي افتح جروح بس حاولت اتجاهل مشاعري هذه وماوجدت فائدة والافضل الاعتراف بها والله يسعدكم ........اللي جربت طريقه او شئ وتغيروا اهلها للأحسن تكتبها الله يحرم وجهها من النار والسلام