اللي جربت شغالات بالشهر تتفضل مشكوره

للرفع للأهمية

للرفع

هلا عيووني
انا عندي رقم اخذته من هنا من المنتدى بس ماعمري جربتهم
اذا تبينه ارسلته لك من عيووني

هلا بالطش والرش والبيض المفقش وأميرة الورد لابسه الرشرش >> الله العالم بيجيها شلل أطفال مع هالترحيب الحار

ياوالله إنك فزوعه وتعرفين المواجيب ( المفروض يكتبون تحت اسمها عضو سنع ) وصدق من سماك إمرأة المهمات الصعبة ( للأمانة العلمية هذي نصبه من لدن سعادتي لرفع الروح المعدنية لديها بمعنى ما أحد سماها ولا هم يحزنون ) يعني دوناً عن بقية أعضاء المنتدى أنتي التي قدمتي يد العون ( لله درك من إمرأة ) وأثبتي بما لايدع مجالاً للشك بأنك محبه للخير على مر العصور >> يقالك تعرف تعبر

ولا أخفيك سراً أن هرطقة بعض الأعضاء أثارت حفيظتي ( يمديكم على هالفصاحة ) الذين يمرون على المواضيع مرور الكرام دون أن يدلوا بسطلهم ( بما يسمى بمتلازمة الفهاوه ) ويعزو بعض العلماء انتشار هذه الظاهره إلى اتساع دائرة الاحتباس الحراري فضلاً عن بروز تكتلات دهنية في اتجاه الكرش >> يازينك ساكته

مما يترتب عليه النكوص ( ما أدري وش معناها بس أحس إن موقعها هنا كويس ) واندثار الردود بشكل مزري ( يعني غصب يردون عليك يمكن ما عندهم خبر ) وأنا من هذا المنبر الحر أقول بصوت يجلجل هذا المنتدى العظيم ( حشى صوت بعارين ) أين أنتم يامعشر بني حواء من نجدة أختكم بحرالمشاعر أترى غلبكم النوم والخمول أتراكم في فلك ٍ يسبحون ( هالجملة متعوب عليها بليز ركزوا عليها ) أتراكم منثبرون ( شانت الاخلاق ) أين أنتم ياقوم أين أنتم يامن يضرب بكم المثل في نجدة الضعيف وإغاثة الملهوف وتمسيح دموع الثكالى ( برضوه للأمانة العلمية هالكلمة مسروقة من كتاب القراءة حق أختي ) فأصبحتم علمن عليه نارون مما أستدعى قدوم الدفاع المدنيو لإخمادها بالمياهو ولكنهم تعبوا في إطفائها ففتحوا خششهم وهم في حيرتون من أمرهم حتى يحلها حلالو وهم يقولون ماهذه النارو الغثيثتو التي ما طاعت تنخمدو >> أبوك يا اللغة العربية


وأنا أحذركم من هذا المنبر من عواقب عدم الرد على طلبي وتجاهله بأن مصيره الثبور وسوف تتولى أبلة عطيات مهمة العقاب لكل متهاون ومزلب ( بالصومالي يعني متجاهل ) واللي عقله في راسه يعرف خلاصه , وأنتم لا يخفى عليكم وحشية هذه المرأة الحيزبون ذات الخشة المرعبة والدمجة المخروطية وما تحويه من قسوة وشدة في العقاب من قبل عصاها الكريمة التي تلشط بها كل متخاذل على 00000 ( الكلمة مشفرة مانعتها الرقابة ) والتي لاتأخذها في الحق لومة لائم فالحذر الحذر من شر هذه الحيزبون القشرى
واليكم صورتها للعظة وأخذ الحيطة


والله يا هي تنقط براءة وأنوثة منقطعة النظير



ولكن عزائي في تأخركم في الرد هو بحثكم الحثيث عن طلبي ( إيه هين ) لدرجة أن شركة الاتصالات اصبحت تشتكي من كثرة الضغط على خطوط الهاتف بسبب بحثكم المتواصل لي عن خادمة فجزيتم عني خير الجزاء كما لايفوتني في هذه العجالة ( كثري منها ) أن أثني على مستخدمي الماسنجر ( راعيات الدندرة والأرانب البرية ) لمشاركتهم في الأمر لدرجة أنهم أرغموا الهوتميل بوضع يافطة في صفحتهم مكتوب عليها وبالبنط العريض مطلوب خادمة سفري >> حشى مطعم مثلوثة

إيه ما علينا ونرجع لك يا أميرة الورد وأقول نورتي الموضوع وزدتيه شرفاً على شرف وجودي ( ياشين التميلح ) كما أضفتي عليه رونقاُ وجمالاً يفوح بشذى الورد ( ترى المديح ما هوب لله علشانك راده عليها >> مصلحجيه ) وبالنسبة للرقم اللي عندك ارسليه ياوخيتي ولا تشاوريني يعني لايردك إلا فارة الكمبيوطر وابشري بالدعوه الطيبة اللي تمشي مليون وتحوي على التالي الدعوه بالتخرج من الكلية بدرجة ممتاز مع مرتبة الشرف الأولى ( مافيه أمل ) + دعوه بالوظيفة المرموقة ( أغسلي يدك بصابون تايد من هالحين ) + دعوه بالزواج السعيد ( وينك ياعريس الغفلة ) + دعوه بالسعادة في الدنيا والآخرة ودخول الجنة ( هذي فيها أمل بس الجنة تبي عمل >> ياهوه ياالسجع ) + كرتون كليجا من النوع الفاخر

وأخيراًَ كل الشكر لك غاليتي على المساعدة والله لايحرمني هالطلة الحلوه


طحياطي

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه يااحبي لك يااشيخه مووتني ضحك
ولاالصوووررة صررااحه مررره معبره بتخلين الي ماعندهم ارقام شغالات بيعطونك شغالتهم من الخوووووووووووف
ارسلت عالخااص عيووني شيكي