اللي جربت علاجات بدون قرايه تدخل تقولي

السلام عليكم ورحمة الله وبركاته



كيفكم بنات..... انا مسجله في منتدى عبدالله الخليفه لي سنه
واستخدمت علاجات المعالج قالها لي
استخدمت بس الخلطه الرباعيه مع معالج
وقال عيديها المعالج الثاني بس ماعدتها


كنت اشغل البقره واسمع الرقيه
واشتريت مسجل صغير وانخرب
وجهازي اللي فيه كل شي بعد انخرب لي شهرين مااسمع شي
بس اذكار ومو كلها لاني ما اقدر

اللحين وش المشكله
صلاه ما اصليها كلها وانا لايمه نفسي كثير
وان جيت اصلي اسرح او احس اني متضايقه
وما اقرأ الا الكرسي ..... واذا جيت اقرأ الفلق اتعب واتمتم لاني مقدر ارفع صوتي حتى في الاذكار
تمتمه وسرحان

التمتمه عندي بس تحريك شفايف بدون صوت
اقول يالله اهم شي اقول الاذكار وبس


احاول اقرأ البقره مافي فايده
احاول اقرأ على الاشياء مو قادره... مدري وش اسوي

ولا عندي احد يودني عند شيخ ولا في احد من البيت او خارجه راح يقرأ علي
ولا لي نفس ادخل منتدى عبدالله الخليفه واكتب


يصير استخدم الزيت بدون قرأه ؟؟؟ احسها ماراح تنفع

شهيتي مفتوحه بقوه ........ واذا نمت ما اصحى واذ صحيت ما انام
ساعات انام الساعه 2 الليل الساعه 4 الفجر صاحيه
يعني تخيلوا بس ساعتين واصحى ولا انام الا بعد الظهر واذ نمت ما اصحى
الوضوء .......... بعد ماكنت محافظه عليه ماني طايقه اتوضى

الصلاه ........... ماني طايقتها بس اضغط على نفسي واصلي صلاه اي كلام كلها سرحان وقهر

الاذكار ........ اضغط على نفسي مو كلها

الاستغفار وذكر الله .... ماني طايقته و اذا سكت ووقفت ذكر ارتااااااااااااااااااااااح

تحصين وقت النوم .... يادوب ييادوب اقدر اقرأ اية الكرسي وبسرعه ابي افتك من قرايتها

شي فيه ذكر الله اضايق

تدرون من زمان مااحس بالنبض بس اللحين وانا اكتب احس نبض قوي في ساقي لدرجة انه راح يطلع شي