اللي جربت هالخلة السهلة ...تفيدنا

السلام عليكم ورحمة الله وبركاته ...



كيف حالكم يا بنات حوا الجميلات ....الناعمات ....



ما اعرف اسوي مقدمات وابدش في الموضوع سيدا ..>>>>على قولة اخواننا الكويتيين




بحثت كثير في هالقسم عن خلطة بالمواصفات اللي تريحني ...


مابي فيها زيوت بعد الاستحمام >>>>>احسها توسخ الجسم واللبس



ولا ابيها صعبة التحضير ...أو التنفيذ >>>> اجلس ساعة انتظرها على جسمي وانا عريانه .....شغلة :time:



وفعلا لقيت وصفة سهلة ومريحة ....قريتها هنا قبل شهر تقريباً ولكن للأسف ما شفت تعليقات وتجارب البنات :35:


وكانت صاحبة الوصفة تقول انها تبيض الجسم كله >>>>تعبت من الترقيع في جسمي رغم اني فاتحة :44:



الخلطة عبارة عن عصير ليمون +عصير بطاطا ...نعصر البطاطا في معصرة الجزر بعد تقشيرها



ونحطها في بخاخ ونبخ الجسم كله وحتى المناطق الحساسة والابط ...وحتى الوجه بس بيدنا نحطه على الوجه ...


ولأني من زمان قريت وصفة ثانية للتبييض ..ناسيتها بالظبط ..ولكن فيها بطاطس اعتقد مسلوق ونحطه لبخة على المنطقة المراد تبييضها ......وكانت صاحبة الموضوع تحلف يمين انها جربتها حتى على شغالتهم في رجلها وصارت في رجلها بقعة افتح من باقي الرجل :icon18:




هذا غير الوصفة اللي اسمعها من وانا بزر من خبراء العلاج الطبيعي ....حطي حلقتين بطاطس على عيونك وهي مغمضة طبعاً وتشيل لك الهالات السوداء اللي حول العيون >>>>>من برامج دنيا الأسرة السعودي ..والمذيعة سلوى شاكر اللي يذكرها :confused:


ادري كثرت الهذر ة عليكم ولكن >>>>>>خلاصة كلامي ان البطاطس موصوف في كثير وصفات خاصة بالتبييض وتفتيح السمار والبقع ..

وهالوصفة ناسبتني لأني ممكن البس ملابسي وأنا حاطتها ما ظنتي لها ريحة شينه مثل الزيوت ..وكلها بخة وأخلص


وممكن اعتمدها في بعض المناطق في جسمي مش كل جسمي ...>>>>>تكفون ....تكفون ....تكفون






اللي جربتها تذكر لنا نتايج تجربتها ....أو اي وصفة مقاربة لها فيها بطاطس ...




أنا في انتظار ردودكم وتفاعلكم ..ولاااااا تطنشوني وترى الفايدة للجميع اللي عندها علم لا تخبيه :icon35: