alamoora
والله أنا ما جربته ...بس جارتي لها ثلاث اطفال وجربته في اول طفلين...
ونصيحتها أنه ما تاخذيه لأنه يمغصك كثير ..

وأنتي أصلاً ساعتها حايسة في الطلق ما نتي ناقصة خرابيط ثانية...
نصيحة لااااااااتاخذيه..
والقرفة على كلام أخواتي تحمي الطلق ...
بس ما ينفتح الرحم..

بالنسبة لي في كل ولاداتي...أول ما يبدأ الطلق معاية...
استعين بالأدعية وسورة مريم والزلزلة وأنا آكل التمر...صدقيني بفضل من الله ...ينفتح الرحم ..
وكمان العسل ...والطبيبة قالت لي أي شيء حالي"قصدي حلووو" خذيه..وقت الطلق يعني..
سبحان الله يحمي الطلق...بإذن الله..
وفي ولادتي الثالثة من خمس شهور كنت تعبانة من حلقي ملتهب..
وأشرب حليب وزنجبيل...أنا أخذته من هنا..
ولا إله إلا الله..زاااااد الطلق
وظهرت لي العلامة "على إن الطلق كان خفيف"...وشربته ثاني..
وأكلت في التمر ...
وبعد 4 ساعات رحت كان الرحم مفتوح كامل ..
نصيحة خذي معاكي التمر حتى بالمستشفى خليه معاكي..

صحيح طولت بس حبيت أفيدك والأخوات بتجربتي ..
والله يسهل لكي ولأخواتي بالمنتدى..ويتمم لكم على خير...
واللي يستفيد يدعي لي...الله يوفقكم..

والله يا بنات أنا لما رحت للمستشفى عشان أولد وكان هذي أول ولادة لي وكانت أمي معي وطولت ما ولدت كانت وحدة جالسة مع أمي في الاستراحة وقالت لأمي أنتي ما عطيتي بنتك قرفة عشان تسهل عليها اللولادة قالت أمي لا وما أعرف هالشي قالت مو معقوله أنه احد ما يعرف هذا ... وسؤالي هو كيف أعمل القرفة يعني المقادير بالضبط لآني اخاف أكثر يضر ومتى استخدمها :26:

بالنسبة لي يا بنات أتأخرت ولادتي كم يوم بس الجنين ما شاء الله كان كبير فالدكتورة قالتلي لازم طلق صناعي بكرة و يمكن تحتاجي قيصرية بس خفت و رحت لدكتور تاني مرة ممتاز و كل أهلي عنده من زمان قالي لا تخافي أشربي قارورة كاملة زيت خروع مع اي عصير و أمشي على الأقل ساعتين و بس أنا ما قدرت أشرب أكتر من نص العلبة و طبعا مشيت الين ما تعبت و بعدها بساعتين بدأ الطلق عندي على خفيف و في الصباح رحت المستشفى و الحمد لله كل شي صار تمام و ما أحتجت عملية ولا شي
:)
و في دكتورة تانية قالتلي انه زيت الخروع فيه نفس الماده الي في الطلق الصناعي بس على طبيعي سبحان الله

شوفي انا خالتي مجربتها بكل عيالها وانا شخصيا جربتها ...
شوفي انا عندي ثلاثه وفي الاول والثاني كله اطول بحملي ويعطوني طلق صناعي بولادتي الاخيره قررت اسمع كلام خالتي فبعد ما تاكدت من نزول راس الجنين وبعد ما صرت في نهاية التاسع شربت نص غرشة خروع مع عصير برتقال بعدها جاني اسهال كالعاده ووقف بعدها بيوم لاحضت نزول مويات مويات لحد ما جا اليوم الثالث زاد الماي ومعاه دم وبدء الطلق طبيعي جدا وكان شعور جميل لاني اول مره اجرب الطلق الطبيعي ..
وعلى فكره كثيير دكتورات ينصحون فيه وماله اي ضرر.

السلام عليكم انا بصراحه ماجربته بس اعرف ناس كثير مجربينه ويمدحونه والله اعلم0 :27: