اللي جريئه تعطيني رد

تعبت نفسيا من القريبه المريضه هذي
شوفو انا عمري ٣٠ ومن يوم كنت صغيره
كان بيتنا جنب بيت عمي وكل شوي يكلموني بناتهم
وهم صغار تعالي تعالي تعودت عليهم وتعود علي زي كل الاقارب
معروف الاقارب كلهم بدون استثناء الاغلب
يوم عيالهم صغار وايام زمان مترابطين
ودايم مع بعض فجاه كبرت دخلت الكليه وانا علاقتي
فيهم حلوه اروح لهن ويججوني ونطلع مع بعض
نروح مطاعم كوفيات
لكني مكتفه شوي يعني مو زي قبل حبيت ان العلاقه تكون رسميه ولا قدرت
عجزززززرت انا ياناس احبهم وابي لهم الخير كنت
لكن ودي العلاقه تكون رسميه شوي
الموانه الزايده والتعمق بالعلاقه تقرف وتتعب من كل شي
اول شي يدرون عني كل شي لو بروح بقاله عرفو
ثاني شي بس يتشرهون ع ابسط سبب ماقدر اسوي اي
شي
كل شي يتدخلون فيه ويحاسبوني عليه
صارت قبل فتره مشكله بيني وبين بنتهم اللي كبري
وقامت تتلفظ بقلة ادب وتقول انتي نذله وانتي مابك خير
طول عمرك كنتي معنا يوم كنتي صغيره وسحبتي يوم كبرتي
ودايم ذالتني ع الكلمه
المصيبه اني مارحت انا فتحت بابهم ودخلت غصب
هم كانو يغثوني الى قبل كم سنه وهم ينشبون تعالي
او بنجيك او نطلع وكل يومين كذا والله انب اطلع
معهم اكثر ماطلع مع خواتي
بعد هالسالفه حطيت حد وحلفت حتى عند امي
قلت لاتجبروني خلاث ابي العلاقه رسميه لحدود
اقدرهم وقت الافراح المناسبات وبس
مادريت الا قبل كم ساعه مرسلهلي بالواتس
انتي لمتى كذا ؟مابك خير حتى مع اللي من صغرك
كنتي معهم يالقاطعه ونذله نسيتي كل العشره
والايام على مواضيع تافهه ومن قبل وانتي
ساحبه اصلا كيف افهمها اني مو مجبوره بهالعلاقه
ماني مجبوره طول عمري تراقبني تلى كل تصرفاتي
وروحاتي وجياتي اجل بكرا بتزوج وبيجيني عيال بتجلس
تشغلني كذا وكل شوي ترسل لي يالنذله ياللي نسيتي
العشره ونسيتي اننا ضافينك ببيتنا يوم انك بزر
قسم بالله نص اقاربي مالي اي علاقه فيهم
لان من يوم كنا صغار صاكين الباب مافتحو مجال لاحد
لكن دولا كانو ينشبون فيني وبخواتي تعالو نسهر تعالو نروح
ويوم حاولنا نرسم العلاقه شوي ونشوفهم بكل وقت
تمشكلو معنا ويوم صارت المشكله
قامت بنتهم وامهم بعد شحنت حتى امهم علي
صارت امي تجدع كلام علي بالجمعات العايله
زي يالنذله ياللي مابك خير نسيتي اللي تربيني معهم
قسم بالله ان حتى مع المشكله اللي صايره لي
ماكرهتم مع انهم غلطو علي وعلى امي لكن طنشت
واتمنو لهم الخير بس
واشوفهم بالمناسبات بس هم شاغلتهم انا
كاني اخر حبه بالكون وعارفه موب حب لي قد موهو
لاتسحب وترسم العلاقه نبي نعرف كل شي عنها
والله ذلوني بهالموضوع
كل ماشافوني او شافو امي قامو يرمون عليه كلام
بنتك مابه خير نست العشره
نست اللي تربت معهم من الصغر
انتي نذله انتي بك وبك بس لاني ابي رسميه شوي
بالعلاقه
بكرا بتزوج بينشبون فيني كذا ؟؟
تكفون ابي رد مشكلتي مالي لسان
وهدا اللي مخليهم يتكلمون علي كذا