اللي جو امس من خط الشرقيه الله لايعيده

السلام عليكمبنات وش اقولكم لااله الا الله ولاحول ولاقوة الا باللهالبارح بغينا نموت والله العظيم اني عايشه من امس في نفسيه دمااار ومااغير ابكيكنا بالشرقيه ورجعنا امس الجمعه مسكنا خط الرياض انا وزوجي وبنتي الصغيرهطبعا من اول ماتطلعين من الشرقيه انسي تلقين محطه بسهولهكنا وش زيننا نسولف والجو حلو فجأه عاصفه رمليه جايه ع السيارات بقوة تقولون احد ياخذ تراب ويكب علينا قلنا ياررب استر علينافجأه جاء مطر مع رياح مع برد بغى يكسر قزاز السياره مع عاصفه رمليه فجأه انقلب الجو اسوداشهد ان لا اله الا الله كلها صارت بدقيقه وحده والله العظيم اننا نمشي على عماها ماعاد نشوف شي واصرخ لزوجي اقوله انزل ع الرمل اقلها جنب الخط يقول ماعاد اشوف شي خلاص خلينا كذا والله يرحمنا برحمته واناظر قدامي الدنيا سودا وغبار والله الذي لا الله الا هو اننا مانشوف ولا حاجه في هاللحظه افكر بس وين بندخل في تريله في شبك بنتقلب واتذكر عذاب القبر واناظر بنتي تلعب بالجوال وتناظر طيور الجنه وماتدري ع السالفه وانا ابكي واتشهد وزوجي يتشهدوالمساحات حقت السياره ماعاد صارت تبخ مويهمااغير المويه حقت الشرب نطلع من القزاز ونرشه ع القزاز الامامييارب سترك وغفرانك ياربواقسم بالله اننا شفنا المووووت والله شفنازوجي يقول احسب الساعه قامت ماصدقنا نلقى محطه وندخلها وبعدها انهرررت صيااح بغيت اموت كل مااسترجع الموقفبغينا نعبي قالو مافيه كهرب والله يابنات اننا واقفين بالاستراحه قلنا الين يهدا الجو والسياره احسها بتقلب فينا من الهوا والمطرقعدنا شويات قال زوجي نمسك الخط مع العالم قبل يظلم الليل ترا كل هاللي صار الساعه 3العصر تصدقون 
المهم وانا مع محاولات مع زوجي خلنا تكفى مابي امشي قال لا بنروح مع الناسومازالت العاصفه مستمره ومازلنا ننتظر تنقلب السياره بأي وقتارسلت لاخوي رساله وزوجي مايدري قلت له لااذن العشا وماجينا وجوالتنا تففلت بلغو عنااخوي المسكين بغى ينهبل كل شوي يدق تكفون على هونكم وقفو لاتمشون والله ان مابقى الا ادق علئ امي وابوي استسمحهم واوادعهم لاكن ابوي عندهم ظغط وسكر مابغيته يرتفع وانا السبب لاكن كان عندي شعور فظيع انا ماراح نوصل بيتناعشنا بتعب بالم بتوتر باعصاب مشدوده الين وصلنا الرياضوصلنا الرياض بالسلامه بصعوبه وصلنا بيتنا لاكن غبار الرياض ولا غبار الخطاول ماوصلت ركعتين شكر لله وبعدها انهرت ابكي ابكي ابكي الين حسيت صدري بينفجربالنهايه اقول الله رحمنا برحمته الواسعه وستر علينا يارب لك الحمد والشكروهذا غضب من الله ارجو ان كل واحد يراجع نفسه اللي ظلم اللي سرق اللي خان اللي استقوا علئ المساكينودمتم بحفظ الله