السلام عليكم ورحمة الله وبركاته
كيفكم بنات حواء ..؟حبيت قبل كل شي اشكركم من اعماااق قلبي اشكر كل عضوه كتبت موضوع واستفدت منه او ردت على موضوع كان مطروح..وربي دعيت لكم من كل قلبي ان الله يسهل حمل كل وحد فيكم ..ويرزق كل محرومه يااااااااارب ..الله يستجيب مادعيت لكم ..
الحمد لله والشكر انا ولدت وجبت بنوته ..قصة ولادتي غريبه بالنسبه لي طبعا لي والده اكثر من اسبوع ..اخر مره رحت للدكتوره قالت لي الاسبوع الجاي تكونين خلصتي التاسع ودخلتي العاشر تجين عندي اكشف عليك من تحت ..عاد انا مت من الخوف قلت بس بتسوي لي تحريض..وانا بصراحه ماعرفت معنى التحريض الا منكم ..قبل ولادتي بكم يوم قلت ليش مااتعلم بعمري جيت الظهر واخذت كبو وهو عباره عن قشر بصل وكمون ومره وتبخرت كم مره ..وجلست اشرب حليب دافي مع كمون ..وعلى هالحاله ..يوم جاء العشاء رحت امشى تقريبا ساعه ..يوم جت الساعه 30و2 بالليل رحت اخذت دش مائل للحار لمدة نصف ساعه ..وقبلها كنت امشي بالبيت يمكن ساعه ..المهم رحت لفراشي ابغى انام نمت تقريبا نصف ساعه..وبعدها يااااااااااااااااااااااااااااالله مغص شديد ..صرت بس اتردد عالحمام وانتم بكرامه واحس بالم اسفل بطني ..يروح ويجي وجلست على هالحال الى تقريبا ساعتين ..طبعا انا ماكنت اعرف انه طلق لاني في ولادتي الاولى كنت ماخذه طلق صناعي وبصراحه فرق هذا عن ذاك ..المهم اشتد الالم معي وعجزت اقدر اتحمل رحت على طول لزوجي وصحيته ..وقام مفزوع يحسبني ابولد عنده خخخخخخخخخخ يحسب الدعوه فوضى المهم جلس يقول لي يالله نروح للمستشفى وانا رفضت لان حضرت اخواتي محذريني لااروح بدري يقولون يلعبون فيك مالت عليهم واللي يسمع نصايحهم بغيت اولد ببيتي..المهم رفضت واصريت مااروح وصرت اترددعالحمام وبطني يمغصني واشتد علي فالنهايه رضخت ورحت مع زوجي وقلت له ابروح لدكتورتي قبل لااروح للمستشفى وفعلا رحت لها وسوو لها استدعاء وجت واكشفت علي لقت الرحم مفتوح 6 سانتي ..وروعتني قالت بسررررررررررعه على اقرب مستشفى ..ومسكين زوجي صااااار يسرع ويدق فلشر وكم مره بغينا نصدم وانا والله جالسه اعض على شفايفي ماابغى اتالم قدامه اخاف اربكه ثم نصدم واحس بشي من تحت يبغى يطلع وانا ماسكه نفسوربيستر ماولدت في السياره وانطلقنا الى مستشفى دله ..ودخلت الطورى وهناك طحت عليهم ماعاد قدرت اتحمل وجو السسترات وشالوني وحطوني بعربيه ثم خلوني انسدح عالسرير واكشفت علي مصريه من تحت وانا اترجاها ماتوجعني قالت الرحم مفتوح 9 سااااااااانتي ..وبسرعه ودوني لغرفة الولاده وجلست فيها لحالي فعلا مثل ماذكروا الاخوات في بعض مواضيعهم عن دله ..ماعندي الاربي وكل ماجت الطلقه جلست اصيح وانادي السستر وهي سافهتني كل اللي عندها خوذي نفس ..بعدين قلت في نفسي ليش اناديها عندي ربي هو اعلم بحالي خير من الناس ومايجمعون..وجلست ادعي ربي وادعي لكل بنات المسلمين بالحمل وتيسير الولاده واستغفر لين قرب خروج البيبي وجت السستر ومعها دكتوره باكستانيه لاني ماطلبت احد معين وبعد كم زحره الحمدلله ولدت ..لكن بقت مشكله اتعبتني مررررررره وبغيت اموت منها اللي هي المشيمه عيت تطلع جلست تقريبا 3 ساعات فاتحه رجليني وانزف وهم يحاولون يطلعونها عطوني طلق صناعي وربي كنها ولاده جديده الحمدلله على كل حال ولا فاد الطلق الصناعي وكم وحده حاولت تطلعها ولا قدروا يقولون لازقه بعنق الرحم تعبت مررررررررررره وتعبت من كل وحده تجي تدخل يدها اه اه اه اه اه اه اه اه بس شفت الموت بعيوني اللهم لك الحمد على كل حال وفالنهايه جت مصريه وجلست تقنعني اني اساعدها وازحر بكل مااوتيت من قوه ولا بتوديني لغرفة العمليات ودخلت يدها وجلست تسحبها والثانيه تضغط على بطني بقوه وانا صرخت بقوووووووووه بغيت اموت كل اجت تطلع ارجعها فوق وهي تقول لا لا لا غلط كذا ماعاد فيني حيل تعبت والحمدلله بعد جهد جهيد طلعت وخيطتني وحده اسمها لبنى الله يستر بس من خياطتها وربي خايفه خصوصا انها طاحت مني وحده غرزه والجرح مابعدالتئم ونفسيتي تعباااااااااااااانه على فكره اذا احد عنده خلفيه عن خياطتها تطمني ..واانا جالسه استخدم خوا جوا مع زيت زيتون يقولون انه ممتاز مره يخلي المكان ينخاط ..الحمدلله على كل حااااااااااااااااال هم خياطه وهم بطنك وشلون يروح ..وهم ....وهم .... الله ياجرنا ولا يخسر علينا ياااااااااااااااارب ولا يحرمنا الاجر..اسفه عالاطاله واي استفسار عن المستشفى وخدماته مع انه مايخفى الجميع انا حاضره ..ويالله ياحلوااااااااات عقبااااااااااال يارب كل وحده حامل تولد السلامه بيسر وسهوله وكل وحده محرومه ربي يرزقها ياحي ياقيوم ..همتكم ياحلوات بالردود وكل وحده تقول لي كيف اتعامل مع الغرزه اللي طاحت بس وحده طاحت اللي في المقدمه والبباقي الحمدلله مابعد طاح ماادري علشان كنت امشي كثير ولا من ايش؟؟الله يوفق الجميع وييسر اموركم يااااااااااااااااااااارب..
ورده تحت الثلج @ordh_tht_althlg
عضوة جديدة
يلزم عليك تسجيل الدخول أولًا لكتابة تعليق.
Weme_84
•
حمدلله على سلامتك و تتربى بعزكم البنوته
و ان شاء الله ينشفي الجرح بسرعة و ترتاحي
و كان نفسي افيدك بالخياطة بس عشني بكرية و الله يسهل على الجيمع
و ان شاء الله ينشفي الجرح بسرعة و ترتاحي
و كان نفسي افيدك بالخياطة بس عشني بكرية و الله يسهل على الجيمع
الف حمدلله على سلامتك وتتربى بعزك البنوتة جد معاناة ولادتك ماعمري سمعت متل هيك اكيد كله اجر الك ان شاء اللهالف حمدلله على سلامتك وتتربى بعزك البنوتة جد معاناة ولادتك ماعمري سمعت متل هيك اكيد كله اجر الك...
الله يخليك ياااارب مشكوره حبيبتي..
ياحبيلك اجل لا تروحين بدري لا يلعبون فيك انتي يااختي والدها من قبل يعني الطريق سالك وممكن في ثواني يحمى الطلق وينفتح الرحم للاخر ىاكره كلمة لا تروحين مبكره يلعبون فيك ايه اذ اربضتي محلك ولا عاد قدرتي تمشين مهوب سارينك على العموم الف الحمدلله على السلامه وجعله من عباده الصالحين وتتربى في عزك وعز ابوها امين يارب العالمين ولا عاد تسمعين كلام احد
الصفحة الأخيرة
اكيد كله اجر الك ان شاء الله