بعد تردد طويل ومن بعد ما شفت الكل يحط تجربته في تعديل الغرف حبيت احط تجربتي الخاصة في تغيير غرفتي من غرفة باردة ومملة الى غرفة منعششه :42: عسب تعرفون مقبلين على صيف ومالنا الا غرفنا نتبرد فيها :icon28:
الحينه بحط الصور وابيكم تعطوني ارائكم يالغاليات فيها
هذي زاوية الغرفة من جهة الباب حطيت كبت الملابس مع المعلاق والمكان المخصص للنعول وركزت على اني ما احط نعول وايد عسب الريحة تكون دوم فرش وبجنب النعول سلة سودا خذتها من ايكيا للملابس الوسخة عشان ما اظطر وانا مستعجلة اعلق او انزل لاخر الدنيا صوب الغسالة فاحطهم هني والشغاله تتكفل باخذهم من والى الغسالة بدون محد يشوف البلاوي ههههههههههه
هذي صورة مرايات خذتها من ايكيا طبعا هم يجون اربع مع بعض بس اختي الصغيرة الله يعطيها العافية قضت على وحدة بدون ما تنتبه :angry2: ولاحظوا اني حطيتهم وفكرت بطريقة للكريستال كنوع من الديكور
هذي مكتبتين منفصلين كل وحده بروحها جمعتهن على بعض بطريقة يبينون انهن طقم وحطيتها بزاوية الغرفة ومن ورا عشان املي الفراغ جبت ابجورة وحطيتها مع شوية شموع على الكتب الخاصة فيني طلعت المكتبة بعيوني جنان ...... مادح نفسه يبي له :42:
هذي صورة للسرر وعملت لهم طقم فراش على لون الجدران رحت لمنطقة الزياني المعروف بأبوظبي ومن هناك اخترت القطعة المناسبة على شوية قطع ساده للمخدات الصغار ووديتهم الخياط ورتبهم لي بطريقة اقتصادية ومرتبة ومش مكلفة ...... :icon28: جالسة اطبق تخصصي
الحين اجي للجدار لاحظت كثير روعة لون الفوشي مع اللون الاخضر ففكرت اني اصبغه وتوكلت على الله وجبت لي علبتين فوشي واخضر من جوتن مع علبة لون ابيض للاساس ونويت انا اصبغهم بنفسي بس خفت اخبص الدنيا لاني يوم اندمج اقتلب مجنونه فناديت على اقرب عامل وعدل لي اياه تمام وبرضه ما كلفني الكثير اللي حابه تعرف كل شيء بالتفصيل تسألني وانا بنضم لها مصروفها بحيث يتناسب مع ترتيب غرفتها بطريقة اورجنال ..... بديت اختق ههههههههه
طبعا انا للان ما خلصت باقي الترتيبات لاني افكر اجيب طقم كراسي صغير ومرتب على الزاوية اللي بجنب السرر مازلت الف ببوظبي ومالقيت واول ما الاقي اوعدكن بحط الصور عسب الكل يستفيد
يالله ابي ردود تشرح الخاطر فرحوني فديتني تعبت وايد كركركركر