اللي حابه تصبغ شعرها في البيت تتفضل

بما اني خبيره في الصبغات المنزليه لنفسي ولصحباتي واوفر عليهم دفع فلوس بالهبل لهالمشاغل ( قولو ماشاء الله )
1-اشتري صبغه كولستون 2000الافضل والأدوم اللي هي عصار فقط طبعا على قد الشعر اذا شعرك خفيف وقليل ومتوسط الطول 2علبه واذا شعرك طويل خذي 3علب
2-بروكسيد الاعشاب معروف بالصيدليه نسبه 9% الافضل للشعر يعني (2علب صبغه تخلط مع 2.5 بروكسيد)وهكذا
3-سفره طعام +مشط+ملاقط شعر+قفازات+فازلين+بلسم
بسم الله نبدأ
أولا*نخلط الصبغه بوعاء زجاج الافضل
ثانيا*ندهن اطراف الوجه من جه الشعر والاذن والرقبه كامله (مهم جدا)
ثالثا* نمشط الشعر ونقسمه الى نصفين ثم الى ارباع وناخذ كل جزء ونمسكه بملقط شعر (الافضل يكون الشعر مو نظيف علشان فروه الراس ماتتأثر بالصبغه)
رابعا*نلبس القفازات ونوضع السفره الطعام على الكتوف ونربطها من الامام مثل( سوبرمان)نبدأ بصبغ الشعر طبعا تبدئين بالشعر اللي بالجزء الاسفل (عند الرقبه)وناخذ كميه ملعقه كبيره تقاس باليد مو بالملعقه وندهن الشعر من الاعلى ونزولا للاسفل وضروري تتأكدي ان الصبغه وصلت الشعر كله وبعدها خذي الجزء الثاني وهكذا ثم افركي شعرك كله زين من فوق ومن الاطراف ولفي السفره على الشعر واتركيها ساعه كامله
ثم خذي مناديل ونضفي وجهك والاذانيك ورقبتك اذا فيه صبغه عليها
بعد الساعه افركي شعرك مره ثانيه وروحي على البانيو علشان تغسلين شعرك بس مهم انك تحطي شويه مويه على الشعر وافركي الصبغه واتركيها 5 دقائق ثم غسليه زين وحطي البلسم بالنهايه واتركيه 5دقائق ونشفي شعرك
ملاحظه مهمه(* لا تحطين على راسك شامبو انتبهي بس بلسم لان الصبغه تغني عن الشامبو وتشيل القشره *)
واخيرا استشوري شعرك جيدا لثبات لون الصبغه مهم
اتمنىالفائده تعم للجميع وتوفرو فلوسكم