اللي حامل او لسه والده وتبغى تخس ويرجع جسمها قبل الولاده تدخل

السلام عليكم ورحمة الله ويركاته انا ام لاربعه اطفال وكان جسمي قبل الزواج مليان شوي كنت اسمن من اللي كبري من وانا صغيره احلم برشاقه جبت بنتي البكر وزني زاد اضعاف اضعاف قبل الزواج واكلت حبوب منع الحمل زاد واستمريت ثلاث سنين ماني عارفه شلون انزل وزني بعدين حملت بطفلي الثاني وبعد الولاده حبيت ارضع لاني اكره حبوب منع الحمل مايناسبني سمعت النصايح من الوالده ومن ام زوجي شلون انهن كانن يرضعن ومايحملن لحد مايفطمن اطفالهن مسكت النصيحه ورضعت بدون اي موانع للحمل غير الرضاعه وبدا وزني ينزل بتدريج وشفت الرشاقه اللي كنت احلم فيها وشفت جسمي لاول مره شكله بنحف وفرحت كثير والفرحه ماتمت ��بعد خمس شهور حملت بطفلتي الثالثه بدون ماشوف الدوره ورجع وزني يزيد مع اني بفترة الرضاعه ماسويت رجيم واكلي ماغيرته ولدت على خير وجبت بنتي وحابه ارضع علشان انحف والكرشه تروح واستخدمت حبوب الرضاعه لاكن مانحفتني باالعكس زاد وزني من الحبوب وتخربت هرموناتي تركتهن وتركت الرضاعه واستخدمت حبوب عاديه لمنع الحمل وزاد وزني وجلست ثلاث سنين اتابع قسم علاج السمنه والنحافه وانواع الرجيمات ولا نحفت وكان نزول الوزن صعب جدا وزيادة بسهوله لحد ماحملت ببنتي ولدتها على خير وجتني فكرته اركب لولب باخر الاربعين لان ودي انحف وارضع ورضعت ونحفت وبنتي لها اربع شهور وجسم ولا اروع وكرش مافيه ولاكاني ام لاربع اطفال ��ماشاالله علي نزل وزني بدون لارجيم ولاشي وبسهوله فاانصح لك وحده تبي الرشاقه فاالرضاعه صحه لك ولاطفلك واحلى تشد جسمك وتروح الكرشه هاذي تجربتي حبيت اقولها كل المتزوجات وعندهم اطفال رضع يستفدون من مرحله الرضاعه والي ماتزوجت تحط الفكره براسها لين الله يرزقها باطفال وتمشي بنصيحتي ��وابقولكم معلومه تراني انا مااحب خربطه باالاكل شبس وكاكاو واكل البقاله اللي ماينفع من قبل زواجي هاذا طبعي مهو ترضعون وتاكلون حلويات واكلات دسمه وتقلون ماننحف لا اكلوا اكلكم العادي وتشوفون الرشاقه بأذن الله بس خايفه من شغله لافطمت بنتي يرجع وزني ��