حبيبتي الله يسهل عليج من تجربتي الشخصية انا بولدي البكري خلصت التاسع واخوه الثاني بعد خلص التاسع وبولدي الثالث اخذت سبوع بالعاشر وانا الحين حامل بالرابع والي ثلاث اسابيع بالتاسع وما بين معي شي الضاهر بعد بخلص التاسع والله واعلم بالنسبة الموضعج حق الغيرة من اخوه لصغير فهو موضوع عادي جدا ممكن انتي تعالجينه بنفسك مثلا تعطينه العاب او شوكولاته وتقوليلها هذا اخوك شرالك هذي وستمري على هذي الطريقة فترة وانشاء الله تفيدج بشي

انا مو حامل بس عندي ثنتين

كل ولاده لها ظروفها بالنسبه لي الاولي طلق ونزيف وولدت بالاخير قيصريه والثانيه وضع البيبي استدعى قيصريه

اما الطفل البكر واخوه اذا كان صغير يعني من السنتين واقل ماراح يفهم ولاراح يجيب خبره حماتي حملت ولدت وعمر ولدها سنه واربع اشهر واختي بعد ماعانوا من غيره بالعكس ماجابوا خبر اخونهم

اما اذا كان يفهم وفوق السنتين راح يتعبك شوي عن تجربه مع بنتي

هلا و غلا بخواتي في منتدى حواء العالمي

أنا بعد حامل في الحمل الثاني

الله يتممه على خير علي و عليكم قولوا ......... أأأأأأأأأأأأمييييييييييين

أنا أعتقد أن كل حمل و له ظروفة

و مب شرط أيكون نفس إلي قبل

أنا وايد تعبانه مع أني كنت متوقعة الحمل الثاني بيكون أسهل

بس سبحان الله الحمل أهو الحمل فيه مشقة

ولأ من وين راح نحصل على الأجر و الثواب

الولادة صراحة نفس الحمل الأول مفوضة إمري لله

و متأملة خير بإذن الله

و بالنسبة لبنتي فأعتقد أنها مهيئة حتى قبل ما أحمل

ولازلت مستمرة معاها

و إن شاء الله تكون مثل ما أهي ألحين فرحانه لبعد الولادة

توكلوا خواتي على الله

وأحتسبي الالم و التعب و المشقة لرب العالمين .... كفارة عن هالذنوب و الغيبة و النميمة

و الله يسهل على كل الحوامل

مرحبا


انا الحين حامل بالطفل الثالث


تجربتي في الحملين السابقين الحمد لله في حملي الاول ولدت قبل موعدي ب10 ايام وبحملي الثاني ولدت قبل الموعد ب15 يوم وانشاء الله بهالحمل اقدم 20 يوم خخخخخخخ طماعه!!

وبخصوص تهيئة الطفل الاول بخصوص قدوم الطفل الثاني

انا الحمد لله مرت على خير

كنت اقول حق ولدي ان بنجيب لك اخ او اخت وانت بتصير الكبير وبتحبهم وبتتحمل فيهم والبيبي يحبك واااااااااجد وكل يقول يبي يجي يشوفك ويلعب وياك.. وبعد ماولدت الهدايا والالعاب اللي جابوها حق بنتي يوم الولاده يوم جاني ولدي المستشفى قلت له شوف هالالعاب والهدايا كلهم جايبتنهم لك اختك لانها تحبك..

والحمد لله كان حنون عليها لدرجه كبيره

والحين بعد في هالحمل قاعده اهيئ اطفالي للبيبي الجاي والله يسهل على الجميع

انا توني داخله الشهر الثاني وتعبانه على الآخر غثيان وهذا طبيعي بالنسبه لي بكل عيالي بس المختلف انه بادي معي بدري مره والثقل والتعب الجسماني والضعف اللي حاسه فيه والآكتئاب والعصبيه مره ضايق صدري هذا وانا باول الحمل واقول لك كل حمل يختلف عن الثاني والله يتمم علينا بخير حبيت افضفض شوي