مايختلف الوحم الصراحه مافيه اي فرق
اصلا حتى البنتين عند بعض الخاريم يختلف وحمهن عن بعض ماله دخل الجنس بالوحم
انا جبت بنت وولد كلهم نفففففس الوحم
حتى اني حسبت ان الجنس الثاني نفس الجنس الاول
ماعندي وحم بحملي ببنتي وولدي وخفيفه ماكاني حامل الشهور الاولى والوسطى
فقطعت شك باليقين اني حامل نفس الجنس
بس السونار قال العكس وووضح معي بالشهر الثالث باخره لانه بس مره اخذت سونار بالشهور الاولى
حتى اني قلت للدكتوره بس نفس الوحم متاكده ان الجنس يختلف قعدت تناظرني تقول وشدخل الوحم بجنسه
وحملت مره ثالثه وجبت بنوته نفففففس وحم اختها واخوها مايفرق
اذا حملت حب رز ولحم العزايم والزوجات اللي لحم الخروف يكون مطبوخ ومشوي
بالولد وبالبنات اكلت بولديواكلت ببنتي لكن بنتي الثانيه ماكلت فيها 😢 مع اني كنت اشتهييييه ولا قدرت اجيبه
بولدي وبنتي كرهت الكورنفلكس
احبه قبل الحمل اكله قبل انام مع حليب
اذا حملت قلبت تسبدي ولازم اغبيه لا اشوفه
ببنتي حبيت التفاح الامريكي الاحمر الحلو
بولدي عصير البرتقال لازم يكون حلو
ببنتي الثانيه الشاهي الاسود ااااه بس لاشفت الدعايات اعجز امسك نفسي فاسوي لي كوب
وحاول امنع نفسي منه لانه ضار مافيه نفع يكسر الحديد وانا دمي نازل
لذا ماله دخل اللي تشتهينه واللي تكرهينه بجنسه
احس انه اللي تشتهينه طفلك بعدين يحبه طول عمره يمكن كذا انا افكر
لانه امي باختي توحمت وهي حامل فيها بذره اختي الحين معرووووفه عندنا بعشقها للذره فجيبهم لها ابوي اذا جاءموسمه وتشوفينها ياما تشويهم ياما تسلقهم
تحببببه
ياربيه اجل بنتي تبي تطلع راعية شاهي 😱😭
هههههههههههه

الله يرزقك بلولد
بلاسبوع 13 بان معاي جنس الجنين بحملي الاخير

انا والله من اللي شوفته إنه من حرمه لحرمة تفرق وكل وحده تقيس نفسها على حملاتها السابقة
أنا عندي 3 بنات الله يحفظهن وسويت سونار بالأسبوع 16 وقال ويآرب يرزقني ويرزقك بالأولاد الصالحين البارين يارب
بالنسبة لوحمي أنا كنت مو حاطه في بالي اني حامل بس قبل موعد الدورة جاتني آلام قوية جداً في القولون خاصة وانه احيان يقوم علي بس مو دايم وكنت أحس بتقلصات شديدة بين الصدر والبطن سبحان الله كأنه أول حمل لي مع اني والدة من سنة ونص تقريباً
هذا كله ولسى ماحللت لما تأخرت الدورة وحللت وطلع حمل بديت أحس بالوحم بس الحق كان أخف من وحمي ببناتي إلى حدٍ ما بس شهيتي قلت وأنا أموت بالحلا في طبيعتي خُف أكلي للحلا شوي
صرت أعاني في النوم كني وحده حامل بالخامس مو في أول شهر ضيقة نفس وماأقدر انام متسطحه لازم مخدتين تحتي
الجماع من أول شهر ماعاد أقدر عليه عكس بناتي سبحان الله
كرهت العطور وريحة الصوابين زي حملي ببناتي وصرت ما أقدر أقربهم تجيب لي غثيان فظييييع خاصة عطر زوجي ودخانه😣


أهم الفروقات اللي كانت مره فارقه عندي
1.في أول ثلاثة أشهر ينزل مني دم بني خفيف زي الإفرازات وماقلقت منها ولا حتى كشفت لأن كانت نفسيتي شينه مررره وما أبغى حمل أصلاً
والدم عمره مانزل لي في حملاتي ببناتي أبداً من يوم أعرف إني حامل ماشوف الدم الا في النفاس
2.بعد الجماع أتعب مررررره وتجيني آلام شديدة وأقعد يومين تعبانه وينزل مني دم بني وهذا ماعمره صار ببناتي
3.كرهت الجماع كره شديد وكرهت زوجي لدرجة مابغاه يقعد معاي في البيت أتمنى بس يكون برا !!!عكس حملي ببناتي علاقتي معاه مررررره كويسه
4.أنا في بنتي البكر حسيت بالحركة بدري وكانت زي النبض والسباحة في حملي هذا حسيت بالحركة مررره بدري وكانت زي الفقاعات وبعدين ركل خفيف وكان واضح لي انها حركة لانه رابع حمل ماشاء الله
تقريبا حسيت بالحركة في بداية الثالث والحركة الصريحة نهاية الثالث
5.الوحم خلص مني بدري الحمدلله يمكن نص الثالث بناتي يستمر لنهاية الرابع تقريبا
6.النفسية في بداية الحمل كان مرة شينة وماتحسنت شوي الا في بداية الرابع
7.وكمان رجعت آكل الحلا عادي اصلا مافرق كثير وحمي في الاكل
8.وأهم فرق نسيت اقوله شعر جسمي يطلع بسرررررررعه عكس بناتي أحف يقعد شهر شهرين مرتاحة ألحين مايقعد أسبوع ونص الا هو طالع وخاصة رجليني
9.شعري انعدم مرررررره عكس حملي ببناتي ويتساقط وصار حبتين
10.بشرتي معدومة حب شباب حتى في مراهقتي ماكان كذا وحبات كبار على خدودي قريب الإذن وعندي الأنف في بناتي بشرتي تصفى من الرابع وأحلو وشعري يزين وحتى زميلاتي يتريقون علي يقولون دامك تحلوين احملي كل سنة بس هالحمل حتى شعري اقعد يومين ما أمشطه من كثرالتساقط الله يعين
معليش طولت عليك بس قلت لعل شيء يفيدك ويطمن قلبك
وادعي الله بيقين وصدقيني مابيخيب رجاك بإذن الله..

غير صحيح معي بنتين وولد
نفس الوحم بضبط ونفس البطن قدام مالي جرانب لانه يعتمد على جسمك

وخفيفه اللهم لك الحمد بحملي فيهم
هذا من الله عزوجل
اذكر امي دعت لي بيوم ملكتي انه حملي مايصير زي خواتي متعب

لانه اختي الكبيره يوم حملت بولدها البكر تعبت تعب شديد وثقل حتى الثلاث شهور الاولى اعتزلت بيتها وهجت لاهلي من التعب
من اول حملها لاخره وهي تعبانه
جابت بعده بنتين لالعكس بخير وحملها خفيف ولا تحس فيه الا باخر الشهور
وجابت ولد بعد البنتين نفس حملها بخواته

لذا ماله دخل جنس الجنين بالوحم

حبيبتي حاسة فيك اسال الله ان يرزقك بالذكر التام الخلقة لك ولكل من يريد
انا عندي بنتين ووحمي في الاثنين غيييير في الاولى كان شديد وكل شي كنت اطلعه وانتوا بكرامة
اما في الثانية خفيييييف غثيان بسبط ونوم زايد
بس معروف حمل البنات دايم يجي في الاجناب والبطن نازلة لتحت والام تحلى زيادة
عكس الولد البطن فوق ومستديرة وتسمر زيادة
دعواتك ،