السلام عليكم ورحمة الله وبركاته
كيفكم ياحوامل الله يسهل عليكم يارب
حبايبي بقلكم قصة ولادتي وبعدين عندي لك كم نصيحهخلاصة تجاربي
ان اخذتي فيها باذن الله باذن الله راح تتسهل ولادتك وماراح تندمين
انا عندي ثلاث اطفال يارب لك الحمد
الله يحميهم يارب واشوفهم بصحه وعافيه
المهم جبت اثنين ورى بعض والثالث جلست ست سنين
من اللي شفته يوم ولادت الاثنين الكبار
كل مافكرت احمل قلت كمان سنه
كله هربا من ذيك الاوجاع وذيك الولاده المتعسره
المهم يوم صار عمر طفلي الثاني 6 سنوات قال ابوهم كفايه
نبغا اخو ولا اخت لهم وصارت اردات ربي واحمل
وطول فترة الحمل وانا احاول اثقف نفسي واقرى في المنتديات
واقرى تجارب الاخوات مو بس بهالمنتدى
تقريبا اربع او خمس منتديات غير المنتديات الطبيه
وكنت اقرى ان اللي له فنره طويله ماحملت تصير زي اللي بكريه
فعلا في الوحم تعبت بقووووووه
ويوم دخلت التاسع بديت اطبق كل اللي تعلمته وقريته
وفي يوم من الايام وانا احس باوجاع مو مره قويه
قلت اكيد انه الطلق الكاذب اللي يقولون عنه
وشوي شوي يزيد وقلت بستنا ينزل شي دم مويه
لكن ماحسيت بنفسي الى وانا خلاص ماقدر اتحمل ولانزل ولا
نقطة دم ولا مويه سبحان الله كل ولاده لي تختلف علامتها عن الثانيه
عن بالاول نزلت مويه والثاني دم والثالث ولا شي
المهم واخذ شنطتي جهزتها من شهر وامشي على السياره
والحمد لله تصبرت لين وصلت المستشفى على الفجر ويدخل زوجي بسرعه
يبغا يجيب لي عربيه وطول مع السستترات وما استنيته نزلت
ومشيت والحمد لله قدرت وحتى السستتر تدق زوجي بنظره
يعني فارق لاتخوفها وتقلي ممتاز يالله على الغرفه وامشي معهم شوي شوي
ونزلت ملابسي لحالي
ولما نمت على السرير جات وحده من السسترات تبغا تسوي تخطيط
قلب لي وللبيبي وهي تلصق اسلاكها ولا الثانيه اللي تكشف قالت بس
شيلي كلو خلاص مفتوح تسعه سم ولاده بسرعه والبس ومراكض
في الاسياب والاصنصير ووصلت غرفة الولاده ويشيلوني ويفصخون ملابسي
بسرعه ويرمونها على الارض من السرعه
وبسرعه السستر جلست تولدني بدون لا كمامة بنج ولا اي شي
مافي وقت وانا معها تقلي شهيق اسوي شهيق
تقلي زفير ازفر تقلي دفي الحين ادف تقلي بس وقفي اوقف
واحاول اهدي نفسي ماحاول اصرخ عشان مااوترها
بس ساعات اصير ماقدر اتحمل المهم وماخذت وقت ولا حبيبتي بنوتتي تبكي
مع اذان الفجر والسستر تقلي ممتاز ومبسوطه لاني ماتعبتها وماخذت منها وقت
يارب لك الحمد
قولو ماشالله تبارك الله يابنات تكفون
عقبالكم كلكم يارب والله يرزق كل محرومه يارب
المهم الحين انا بعطيكم نصايحي واللي بتطبقها باذن الله
ماراح تندم وراح تدعيلي وتذكرني بالخير
اول نصيحه من اول ماتدخلين التاسع تكون شنطتك جاهزه وحتى ملابسك اللي بتلبسينها وانتي رايحه
واهم شي تكثرين من الاستغفار
بنية تسهيل الولاده وتجيبين مويه وتقرين فيها اذكار تسهيل الولاده وكل مادخلتي
غرفتك تصلين او تنامين خذي منها شوي وامسحي به على بطنك بس واذا
نقصت المويه زيدي عليها قبل تخلص
ثاني نصيحه لاتروحين للمستشفى الا اذا جاتك علامة ولاده
مثل دم او مويه او طلق متلاحق كل خمس دقايق
مره مانصحك تروحين اول ماتحسين بالم بسيط لانهم بيجلسون يقيسون كم فتح الرحم
وتدخل اصابعها وتوجعك بس زياده او تحولك على مستشفى ثاني او تقلك
روحي بدري وتربكك اوتجلسين تنتظرين وكلها تضغط على اعصابك وتزيد اوجاعك
روحي وانتي واصله احسن عشان بسرعه يستقبلونك ويهتمون فيك
ثالث نصيحه من اول ماتدخلين التاسع لاتهملين المشي ابد
ترى تندمين اذا مامشيتي تصيرين ماتقدرين تمشين في المستشفى وقت الولاده
وهذا اللي صار معي في بنتي صرت اسحب رجلي اليسار تقولون مشلوله
امشي امشي امشي وابداي اول اسبوع من خمس لعشر دقايق وراح تتعبين
هنا لانك اول مره تمشين اذا تعبتي ارتاحي
ثاني اسبوع تصيرين تقدرين تمشين اكثر حول عشرين دقيقه دون ماتعضل ارجولك
او تتعبين ثالث اسبوع خليها نص ساعه وزيدي عليها صعود ونزول
درج شوي شوي عشان تقوين عضلة الرحم
واعتقد ماراح يصير فيه اسبوع رابع لانك بعون الله راح تولدين قبل وقت موعد الولاده
وانتي تمشين حاولي تاخذين شهيق تملين رئتك ثم تزفرينه بشوييييش وتعيدينها
تمرني عليها عشان تسوينها وقت الولاده والله ثم والله انها تسهل الولاده وهذا الشي اللي كنت اكذبه
لين جربته
اذا ماعندك احد يوديك برى تمشين امشي في بيتك المهم تمشين
رابع نصيحه وهي مهههههمه الحلتيته والله يافوائدها عظييييمه رغم ان ريحتها وع
يكون عندك موية صحه فيها حلتيته مذوبه اذا بديت تحسين بطلق حاولي تاخذين دش دافي
وتزيدين على موية الحلتيته مويه حاره شوي وخضيها وتوضي بها ورشي الفوطه اللي بتلبسينها
وتجهزي لانها بتقوي الطلق وبتفتح الرحم بعون الله وعن تجربه مني انا شخصيا
بعدها توكلي على الله وروحي للمستشفى اذازاد الوجع و صاركل خمس دقايق تقريبا
خامس نصيحه وانتي بالطريق للمستشفى حاولي قد ماتقدرين ماتصرخين ولاتشدين اعصابك تراه يزيد الالم
انا ادري انه غصب عنك مثلي بس حاولي ماتشدين اعصابك
ميلي المقعده على ورى وخذي وضعية زي وضيعة النوم بس مو مره شي بسيط ريحي ظهرك بس
وطول الطريق الاستغفار على لسانك لايفارقه وتدعين لنفسك بالتسهيل والتفريج عنك
ويحميك انتي وجنينك وشهيييييييييق هااادي واكبتيه شوي ثم طلعيه بهدوووووووء على طول الطريق
وانا متاااكده بعون الله انك بس تدخلين المستشفى يقولون لك ولاده بسرعه وبتتسهل بعون الله
سادس نصيحه وهي الاخيره حاولي وقت الولاده تسمعين كلام الدكتوره اللي تولدك وماتكثرين
صراخ واساله خليها تولدك بنفس طيبه
وسلاااااااااااااااااااااااااااامتكم
عاد هذي تجربتي حبيت انصحكم فيها
اشكروني اذا حسيتم بأهميتها
استودعتكم الله الذي لاتضيع ودائعه :39:
الهمه طريق القمه @alhmh_tryk_alkmh
محررة ذهبية
يلزم عليك تسجيل الدخول أولًا لكتابة تعليق.
ريحانه الحب
•
جزاك الله خير
الف الحمدلله على السلامه وجزاك الله الف خيرعلى النصايح الله يسهل ولادتي وجعلها بردا وسلام كما جعل النار بردا وسلاما على ابراهيم
soso-fzz
•
الف الحمدلله على السلامه وجزاك الله الف خيرعلى النصايح الله يسهل ولادتي وجعلها بردا وسلام كما جعل النار بردا وسلاما على ابراهيم
الصفحة الأخيرة