اللي حامل ومغتربة أو بعيدة عن أهلها .. ادخلوا ندردش

مساء الخير أخواتي بنات عالم حواء ..

كيفكم وكيف الحمل معاكم ؟؟ كل شهر يزيد الثقل والنفسية والمزاج تصير أسوأ .. هذا غير إنه النوم ماعاد هو رااااااااحة .. إلا تعب في تعب والحمدلله على كل حال ..

والغربة تزيد من أوجاع وتعب الحمل .. أحس الحامل ماينفع لها تجلس لحااالها يزيد عليها التعب ... عكس لما تطلعي وتروحي وتشوفي ناااااااااااس تنسي همك ووجعك ..

وياسلام على الدواااااااااام وتعبه .. المدرسة ماترحمنا ... ولو فكرتي تاخذي اجازة المديرة تشيل عليكي وتاخذ منك موقف ... يعني بالله نسيت لما كانت تحمل انه الحمل مو هين أبدا.. بس سبحان الله بعض النساء مايرحموا بعض ..

عموما أنا بداااوم حاليافي منطقة تانية بعيدة عن اهلي اللي في مكة ... بس خايفة لما ادخل التاسع .. مالاقي مستشفى يعطيني اجااازة الين مااولد ..

كمان محتااااارة فين اولد ؟؟؟؟؟؟ في مكة عند اهلي ؟؟ مع انه مكة مافيها مستشفيات كويسة !!!
ولا أولد في جدة وخصوصا في الاطباءالمتحدون ؟؟ بس خايفة مايمديني أوصل للمستشفى اذا جاتني آلام الولادة .. لأنه هذا تاني طفل ... والأول كان قيصري ...


هذا اللي عندي اليووووووووووم .. وأنتظركم تفضفضوا ياحوامل ,.. وخلونا نخفف عن بعض ..

وللجميع شكري وتقديري ..