كيفكم يا حلوين ان شاء الله دايما اقدملكم أطباق مميزة تعجبكم واليوم حبيت ورجيكم بعض من مقبلاتي
في الصينية مقبلات مشكلة اول شي بسكويت كراكرز مالح عليه قطعة جبنه قشقوان وشوية مايونيز وقطعة روست بيف
بعدين دوائر خيار عليها لبنة وسمسم محمص وشرحة فلفل أحمر حار واللي بعدها شيبس تورتيلا عليه شوية كاتشاب وفوقها جبنة موزاريلا وقطعة زيتون أسود وشرحة فلفل أخضر حار وأخر شي بندورة كرزية فضيت قلبها وحطيت فيها جبنة فيتا طرية وعليها رشة سمسم محمص وحطيت تحت كل حبة بندورة ورقة نعنع
اما بالنسبة للصحن التاني هوه عبارة عن لبنة جامدة عملتها كرتين وحدة اكبر من التانية وبعدين حطيتهم بجوز الهند المبروش وحطيتهم فوق بعض وزينتهم بكبش القرنفل وللأنف بقطعة جزر صغيرة وعملتلها سكارف من الخس وثبتوا بكبش قرنفل وقدمتها على صحن مع كراكرز مالح وصدقوني كانت أول مرة بعملها واتفاجأت أنه طعم جوز الهند مع اللبنة بيجنن وصرت دايما أعملها
ان شاء الله مقبلاتي تكون عجبتكم
em ghasaq @em_ghasaq
عضوة
يلزم عليك تسجيل الدخول أولًا لكتابة تعليق.
دره الحلوه
•
ماشاء الله ابداااع
الصفحة الأخيرة