اللي حجت واللي بتحج تعالي افيدك واستفيد منك

أنا مثلك .. انشاء الله ابحج السنه هذه ومادري وش أجيب معي ووش ما أجيب ...
وحده تقول لا تنسين مقص الشعر وشاحن الجوال .. والجوال يكون نوكيا من القديمات لأن ارساله يكون أقوى من الجديدات

وحطي في الشنطة بسكوت وعصيرات واي شىء سناك خفيف لأنك ممكن تجوعين في الليل ولا تلقين شىء يسد جوعك ... وبس!!

ودي اعرف الاحرام اللي ابلبسه يكون شتوي ثقيل ولا صيفي خفيف ؟!!

خذي معاك ديتول العادي و ديتول العنايه الشخصيه وصابون وشامبو
وشراريب وكثري منها وجزمه فلات مريحه وعبايه طولها زين لاتصير طويله عشان ماحد يدعس عليها انا اخذت معاي خمار والغطوه كانت مخيطه فيه وقماش الغطوه يسمونه شيله
وخذي باندول وفايتامين سي وخذي لصق حروج ممكن تحتجنها وان شاء الله ماتحتجيها

الحج رائع والمشاعر فيه لا توصف ... حجتنا كانت العام
تحتاجين اشياء كثيرة ...منها
شامبو وصابون ومعجون اسنان وكريم ولا تنسين الفازلين طبعا كلها بدون عطور لأن المحرمه ما تستخدم العطور ..
العام الجو كان بارد فجيبي احتياطك جاكيت -جوارب
لبسك خليه كله صيفي لأن مع الزحمه حر ..لكن بالليل في مخيمات منى هوا بارد ويوم عرفه رحنا الفجر متنا من البرد وعطونا بطانيات درجه الحراره كانت عشرة لكن الظهر اعتدل الجو ..
الأكل حسب الحمله اللي انتي فيها بعضهم بوفيهات ما تحتاجين شيء وبعضهم رز ولحم فجيبي لك كيك وبسكوت اذا ما اشتهيتي ...
الحمله اللي احنا معاها كانت في صاله فاللبس كان تنورة وقميص كان الأغلب يلبس عبايه كتف فوق ملابسه ...لكن وقت الخروج احرصي على المريح ...
لازم جزمتك طبي لأنك بتمشين مسافات والأفضل تتمرنيت على المشي من الحين لساعه على الأقل يوميا (كنا نمشي احيانا ساعه او اكثر بدون توقف )
اكبر مشكله واجهناها احنا الحريم ...
الحمام...الحمام..الحمام
اذا كنت في المطار او حافله فيها حمام (حتى ولو لم تكوني محتاجه اذهبي واقضي حاجتك..احيانا تكوني محتاجة ويكون الزحام او تضطرين للجلوس في الباصات 6 ساعات بدون حمام )حتى لو كنت في افضل حمله هناك زحام ...حاولي تذهبي للحمام قبل مواعيد الصلاة ولو كنت في حمله مع مواعيد الوجبات حتى لاتضطري لانتظار دور ..

اذا تذكرت شيء برجع لكم ...

كويس نبهتينا عن الحمام الله يسعدك برد +حركه = امطار ههههههه

اهم شئ تاخذين كتاب عن الحج و تفهمين وش راح تسوين بالضبط حتى لو كان معكم مطوف في الحملة لازم انتي تكونين فاهمة عشان الواحد ما يغلط بشئ و يصير عليه فدية وهو مايدري
و المحرم فيه امور محظورة عليه ....
بالنسبة للأكل احنا أخذنا باسكت رحلات و حطينا فيه سناكس و معلبات أجبان و مربى و شغلات خفيفه وقت الجوع و أخنا ثلاجة موية حار لوازم الشاهي و القهوة خصوصا في مزدلفة ممكن تحتاجونها....
و الأهم طبعا كتب أدعيه و قرآن مع تفسير لأن فترة الحج هي عبادة و دعاء و رحلة الى الله و البعد عن الدنيا و كل ما يشغل أنفسنا عن الجو الروحاني الي نحس فيه فترة الحج خصوصا..