اللي حكوا عن الرياض.. وشغله ثانيه كمان .. لاهنتوا ادخلوا

بسم الله الرحمن الرحيم


السلام عليكم ورحمة الله وبركاته ..


يسعد أوقاتكم ..


::


بتكلم عن شغلتين حبيباتي . ،



::



أولا ً ..

من هالمنتدى ومنتديات غيرها .. بعض العضوات شككوني في الرياض وناسها الا من رحم ربي ..


قبل لا أجي الرياض تفاكير وهواجيس مع اني انولدت فيها وعشت مراهقتي لين قبل زواجي .. أعرفها كثير


ولما رحت المولات لغرض معين .. الدنيا عاديه ..وماشاء الله تبارك الله شفت كثير حريم متسترات ولابسات جوانتي وشراريب ( أعزكم الله ) مو باين شي منهم ما شاء الله واحترام ..


ولا لقيت اللي يتحرشون في الرجال ولا يقزون كل لاهي بحاله .. :26:

وحتى برا أمن وأمان مافي مضايقات ولا غيره .. انا بنت البلد ومن الكلام انطبع في بالي شي سيء عن بلدي فما بالكم بـالغريب ..؟



::



الشغله الثانيه ..



احمد الله وأشكرهـ على النعم اللي عايشين فيها .. الحمدله سبحانه لو احمده من هنا لـ صباح بكرا ما يكفي لـ أفضاله علينا جل في علاه..


لماا كنت في بندهـ .. النعم يالله لك الحمد من كثرها تحتارين وش تاخذين ؟

ثلاجات الألبان كل الشركات والنكهات غير الحليب والعصائر الأجبان الحلويات .. وغير ركن الخضروات سبحان المنعم

واللحوم وويكفي منظر الماء في العلب نظيفه وبارده غيرنا يتمناها ويدفع دم قلبه :44:
::

لكن اللي يقهر يا من العمال أو المشترين ما أدري ..


لقيت خبز وساندويشات باقي نظيفه وبأكياسها جديده عند أماكن بيع الحفائظ أكرمكم الله .. غير الجزمه أعزكم الله على كرتون زيتون:(



استغفر الله واتوب اليه .. انتبهوا يا بنات اذا لقيتوا زي كذا اكرموا النعمه وتصرفوا شيلوها من مكانها عادي

تم التصرف ولله الحمد لكن انبهكم ..


::

وقبل الأخير ...


الأطفال لاهين في أماكن الترفيه مع أهاليهم وفرحانين وحتى أخوه لنا شوام من هيئتهم مبسووطين فرق بينهم وبين أبناء جلدتهم في ديارهم :44: الله ينصر أخوتنا ف الشام الجريح وينصر المسلمين في كل مكان آمين





احمدوا الله يا بنات .. وذكروا الناس بـ الحمد يارب أدمها نعمة واحفظها من الزوال :26:



::


المعذرة لو اسلوبي مش ولا بد كلام من القلب من غير مبالغه ولا تنسيق ،



أحبكم في الله أخواتي ~



::



استمعوا لـ صوت القاري ء الرائع الجديد .. نايف السالم تبارك الله
سورة مريم ..

http://www.youtube.com/watch?v=266pc_GaXcU


اللهم صل على محمد :26: