أنا بصراحة أثني على كلام الأخت namire_ra
يعني المسالة نسبية مو مطلقة..
ما نقدر نعمم الأحكام أبدا..
ممكن يكون لك أختين أكبر منك..وتزوجتي قبلهم..وحدة منهم تنقلب عليك وتصير دايم هجومية بينما الثانية تصير زي العسل وما يتغير حبها لك..الناس نفسيات..والنفسيات عبارة عن تراكمات طفولة وأمنيات ورغبات و....و....وإلخ من التعقيدات النفسية اللي ما نقدر نحكم عليها من ظاهر الأفعال بس.

أنا تزوجت قبل أختي الكبيرة بثلاث سنوات تقريبا..وهي تسوى عيوني المركبة..وحسيت إنها في خاطرها لامتني لأني وافقت على الزواج,, وتمنت لو إني انتظرت لين تتزوج هي قبلي..ومن حقها تحس بهالإحساس..
الحين هي متزوجة من سنتين .. وماشاءالله تبارك الرحمن زوجها عســــــل ومبسوطين الله يتمم عليهم..
وأنا جبت ولد عمره الحين 3 سنوات ونصف..وحامل في الثاني..الله يتمم على الجميع..وما أبالغ لو قلت إنها هي الوحيدة اللي تحسسني فعلا إنها تحب ولدي..وسبحان الله هو متعلق فيها مرررررررررة لدرجة إنه إذا لعب معها يصير شخص ثااااااااااني..
وأنا مو غبية وأفهم أختي ولله الحمد..وأحس من تفاعلها معي في حملي وحرصها علي وسؤالها عني إنها مبسوطة لي ..صحيح هي تتمنى إنها تكون أم..بس مادري ليش للحين ما حملت ولاهو من طبعي أسأل عن اللي ما يخصني..
عموما يمكن بعض الناس يقولون إنه مو من حقي إني أحكم عليها لأني ماعشت موقفها..بس اللي أنا متأكدة منه إن أختي هذي الله لا يخليني منها هي رمز لطهارة القلب والإيثار..يمكن ربي ميزها عن الباقين إنها ما تحقد وما تحسد غيرها على النعمة بس لأنها محرومة منها..
الله يخليها لي..وأنتي يا اختي لاتخلين ابليس يدخل عليك من هالباب..ودايمااااااااااااااااااا إدعي لنفسك ولها معك..واشركيها معك بالدعاء..وإن شاءالله تبشرينا بحملكم جميع:)

اختي بسألك اذا انت مكانها بتفرحين ؟؟؟؟؟؟؟؟؟؟
ردك راح يبين لك شعور اختك اتجاهك ومااشك للحظه ان اختك ماراح تفرح ورزقها ان شاء الله بيجيها وتحمل وتفرحين لها بس المولى ماشاء لها الآن

اختي الحائرة اكيد راح افرح لها بس تبين الصراحة انا الحساسة مو هي يعني انا ديما احط نفسي مكان الاخرين...واحط جميع الاحتمالات وهذا اللي خلاني اتساءل بس ....الله يجزاكم خير جميعا...ويرزق الجميع الذرية الصالحة المعافاة

اهم شي روحي لسجادتك في الثلث الاخر كل يوم وادعي لك انت وياها واهم شي اهم شي الاستغفار والصدقه
يارب تحملين انت واختك قبل رمضان وتولدون مع بعض انت وياها في النفاس سوا ويرزقكم الذريه الصالحه ويحسن خلقهم يارب العالمين...قولي امين

إن شاء الله إذا الله كتبلك و حملتي أكيد راح تكون سعيد و فرحانه لأنه جى من يقولها خالتي .. و هي مسأله وقت و بإذن الله راح تبشركم بحملها هي بعد ..



أم الريم ..