اللي حملت وعندها ياهل يرضع منها ومايتقبل الصناعي ولا المرضعة.. كيف فطمته وحببته بالمر

الله يعينك يامسافرة .. والله كان ودي أساعدك بس إنت أدرى بالحال .. وإنشاءالله الخوات مايقصرون معاك أبد.

السلام عليكم اختي *المسافرة*

مبروك الحمل

الله يعينك اختي ويصبرك

بخصوص موضوعك انا ما جربت لكني اختي كانت ترضع وحامل وولدها ما كان يتقبل المرضعه ابدا لكنها جربت كوب الأطفال اللي فيه ثقوب واللي فيه مصاصه مثل اللي في الصور وبالتدريج تعود يشرب منه





والحليب اللي كانت تعطيه هو نيدو الخاص بالاطفال والحمدالله كان يتقبله
وهي جربت انواع ثانية مخصصه للاطفال من الصيدلية بس ما كان يتقبلها ابدا

هذا اللي قدرت عليه وان شاء الله تكوني استفدت ولو شي بسيط

الله يكون فى عونج عزيزتى المسافرة ويتمم لج بخير ويسهل عليج ويقومج بالسلامة


اما عن المرضعة انا ما انصحج ابدا انج تعطيها اياها لأن بعدين


بتضطرين انج بعد تفطمينها منها ومو بسهوله تنفطم منها وانصحج بالكوب اللى ذكرته


الاخت ام شيماء او الحليب اللى يجى بالزاز حقه اريح لج واسهل


حتى لوتكونى برا بس بتطلعيه وتفتحيه وتشربه على طول يعنى ما يبيله اعداد قبل


اما الفطام انا فطمت ولدى بس كان اكبر من بنتج قمت احط على صدرى تيب جروح

واذا جا يرضع اعمل نفسى كأنى اصيح واتألم وهو ياعينى عليه يصدق ويدخله


قال يخاف على وانفطم بهالطريقة بسهولة مرة مرة بس كنت فى الليل ارضعه عادى


لان مو فى وعيه يعنى نايم


:17:


والله يعينج :24:

أختي رقيقة نورتي الموضوع بردج المتواضع .. يالله خلي الموضوع احتياط يمكن يفيدج بعدين..



أختي أم شيماء.. مشكورة الغالية على الرد.. والله يبارك فيج انشالله..
أنا حاولت وياها بهالكوب بس تلعب فيه على بالها لعبة أو شي من هالقبيل.. واذا عودتها عليه كيف بيكون الوضع بالليل.. ماعارفة شو بسوي وياها.. بس سمعت انه الكوب أحسن من المرضعة.. والله يعين انشالله



أختي الحب للحب.. مشكورة الغالية على الدعاوي الحلوة.. والله يسهل على الجميع انشالله..
صدقج مثل ماقلتي أكيد المرضعة يبقيلها فطم بعدين.. وبدل الفطم يصير فطمين لاكن هذي أريح.. بس السالفة ومافيها كيف أعودها عليها.. لأنها تحاول تلعب فيها سواء بالمرضعة أو بهذي كأنه لعبة عندها تصب اللي فيه يمين ويسار.. والمشكلة بالليل اذا صاحت كيف أسويلها حليب وأعطيها منها.. وترا عمرها بعده صغير يادوب السنة ومحتاجة للحليب.. لأنه اللي أكبر منها سويتله بنفس طريقتج وكان على وشك السنتين ويفهم اللزقة والواواه.. وانفطم بهالطريقة بس منها مايشرب الحليب الا نادر.. ومشيته بالأشياء اللي يحبها لاكن هذي محتاجة للحليب أكثر عشان عمرها صغير.. عالعموم أختي ماقصرتي.. ويزاج الله انتي والخوات ألف خير..


خواتي بعدني أنتظر ردود اللي مرن بهالحالة:06::11:.. الله يخليكم لاتبخلون عليه بالنصيحة والله يعطيكم ألف عافية ويجعلها في ميزان حسناتكم انشالله

اللله يكون في عونج اختي المسافره .. والله صعب الفطام في ها السن وخاصه انج حامل .. وعلشان جي الوحده احسنلها تعود عيالها من الصغر على المراضع يمكن سبحان الله تحمل ويكون الوضع سهل في ها الحاله ...
وياليت اقدر افيدج بشي لاني عندي ولد واحد وحملت عليه وعمره اربع شهور فما عندي خبره عن ها الشي ...
:26: :26: :24: