من جد الله يعينك انا كنت نفسك كنت حامل وكان عندي بنتين ورى بعض بس كانو اكبر من اطفالك وحده ثلاث سنوات والثانيه اربع سنوات وقت الوحام والطفش كانو يتعبونى خاصه وقت النوم بس كنت اضغط على نفسي واصحى بدرى علشان اسوى لزوجى الغداء وانظف البيت وغسيل وترتيب البيت مافيه الا تضغطين على نفسك تصحين بدري وحاولي تنامين الظهر اذا اطفالك لسى باقي نايمن وبنتك ان شالله تقدرين تعوديها على النوم البدري بس التوم لسى بدري يتعودون الله يسهل لك وتولدين بالسلامه

ليش كذا تلومين نفسس وشايله هم البيت ع راسس والعيال ليش معك ينامون؟!
المهم انتي بفتره وحام غصب اللي تمرين فهمي زوجس انس هالفتره غصب تنامين حتى لو تنامين بدري وتصحي بدري ماله علاقه نايمه نايمه خخخخخخخ هذا وحم مو بكيفس او دلع ع بالهم الحريم واحد وحملهم واحد كل حرمه تختلف عن الثانيه انا وحامي كان نوم وكنت اشيل هم البيت بس شفت اني اكلف ع نفسي فوق ماتحمل وصرت انظف ع الماشي العميق طول فتره وحامي ماكنت اسويه مشيت حالي هالفتره لحد ماعدت وبديت اتنشط ولاتقارني نفسس بأحد غلط واذا تقدري جيبي شغاله كل اسبوع تنظف البيت والمفروض زوجس يعذرس ويساعدس ويقدر وضعس مو يقارن ويلوم

صراحةمعذورةوالله يلوم الي يلومك
نامي وارتاحي الين تجيك الخدامة اوخذيلك بالساغةنهايةالاسبوع
مابيدك شي ذاوحام مودلع اواهمال منك
الله يهونهاعليك ياربي

قولو ماشاءالله بس واذكرو الله
وانتي ياصاحبة الموضوع سمي بالله ترا عيون الناس ماترحم خافي ع نفسك
وترا ست شهور يتنظم نومه اغلب وقته نايم اذا صحيتيه بدري ونام قيلوله يجي الليل دايخ يدور النوم
الله يحفظهم لك يارب
تحملي كل شوي تقومين معهم بعدين تخف الحاله تدريجي سبحان الله وترتاحين ولابد من التعب بس خلاص هم بنهاية هالتعب ان شاءالله وتريحين

ماعليك بالردود اللي تلومك الحمل رزق من رب العالمين
واطفالكم كلهم صغار عادي يكونون معك بالغرفة زمان امهاتنا كذا هذا الحين بعض الناس يقلدون الغرب في طفل اختنق وهو نايم بكيس الطراحة لو امه عنده سمعته وهو يشاهق
بالنسبه للغداء عااادي ماتسوين غدا انتي تنامي الصبح مع نوم متقطع من الصغار كيف تسوين غداء انتي بشر من دم ولحم ومو مكينه
اذا زوجك عادي يسخن لنفسه سوي له غداء بالليل وحطيه بالثلاجة يسخن لنفسه
قومي العصر تكوني شبعتي نوم اهم شي تشبعي نوم اذا شبعتي نوم تقدري تشتغلي سوي قهوة وشاهي ونظفي على خفيف القراطيس وكنسي واجلسي مع زوجك والعشاء لازم تسوينه وخليه عشاء محترم واذا نام زوجك بالليل كملي الشغل زين استغلي انك صاحيه
اهم شي الصحة
وعمتك اعزميها على عشاء ولابعد المغرب ودايما ذكريهم قولي عيالي الله يصلحهم مايخلوني انام
والاطفال اطباع في طفل ينام مايرضع حتى طول نومه وفي طفل كل ساعتين يرضع