اللي حيلها منهد من الضغوط والمشاكل

السلام عليكم
ياناس من المشاكل والضغوط والقلق ماعاد لي نفس بالدنيا وضعي زفت مره مافي شي يساعد على شي زوج يجيب المرض واهلي بعيدين مره عن المدينه اللي انا فيها جارات مايجون الا مره كل شهرين عندي طفلين صغار وشغاله ووقتي فرااااغ ووحده وحتى زوجة زوجي الاولى وبناتها السنه الاولى عسل وبعدين انقلبو من مشكله بسيطه مره الزوج هم لايطاق جاب لي انهيار عصبي بغيت اقطع ملابسي يوم انهرت وبدال مايواسيني خاف وانحاش من البيت يوم هديت رجع وحط اللوم علي ويشهد الله ان الحق معي وكرهته كره ادعي عليه كل وقت وطلبت الطلاق ومستعده ارمي عياله بوجهه ولا همني اهم شي افتك من وجهه ورفض يطلق والان اجلس اسبوع اسبوعين حتى القهوه مااذوقها ولا احس طعم للاكل من هالضغوط والوحده حتى شكلي يادوب ارتبه مالي خلق حتى اتجمل واتضبط ولا عندي حيل اتفنن بالطبخ واذا حاولت اطبخ طلع مر على كبدي
فيني خوف من زوجي هالكلب لانه عصبي مره وشديد ويهدد بالضرب وفعلا ضرب وهالحين احسه معشش في بالي منكد علي ودي اطلعه من بالي واعيش ودي ارتاح مافي بالي الا مشاكله معي ومواقفه الخايسه المخذله وكلامه وتجريحه نفسي يطلع من مخي وانساه لو ساعه عشان بس ارتاح حتى السفر مافي وطلعات وتمشيات مافي واذا طلعت اتمشى وغلطت بشي بسيط يعاير هذا كله من الحديقه والله ماعد تشوفينها وتمصخر
والان مره مره مالي نفس على شي حياه كئيبه من الوحده لانه ينقلع يوم ويجي يغث يوم
ابي ارتاح وانساه بمجرد مايروح
يعني استغرب غيري ضغط ومشاكل وحلا اصناف واهتمام بالنفس ليش انا نفسيتي مو كذا
احس اعلى راسي فيه عروق بتتفجر من القهر منه ومن الوحده