اللي خبرة بلبنان وبيروت يتفضلون^^%%%^^

هلا اختي
السكن انصحك ببرمانا جوها مررره حلو ومرتفع شوي وماتبعد الا حوالي ثلث ساعه من بيروت العاصمه
او تسكنين في جونيه تبعد عن بيروت ربع ساعه فيها فنادق حلوه ورخيصه مثل اكواريم وسان جان منطقه هاديه ومافيه ازعاج وتبعد عن المطار 20 كيلو

المطاعم :
(جنه) في منطقة بيت مري ببرمانا ويطل على الجبل مطعم روعه وجو روعه ومقبلاتهم رهيبه خصوصا الحمص والكبه
(كباليك) صغير ومو مشهور بجونيه قريب من فندق بورتيميلو كبابهم شي وكل مشوياتهم روعه
(الكرمه)بعاليه عادي بس اكلهم حلو
مطعم فندق الكورال بيتش شيراتون المشويات والاكلات البحريه روعه
(برج الحمام)في فندق الموفنيك
(مانويلا) بجونيه روعه
(مهنا)
(الادغال)البسي شتوي وروحيله وقت الغدا عشان تستمتعين بالمناظر وموقعه على طريق فرايا وهذا الفندق الي صور فيه راشد الماجد واحلام فديوا كليبات لهم فيه
(مندي حضر موت)اذا اشتهيتو مندي وامظبي موقعه وانتي رايحه عاليه تحصلينه على يسارك
واذا كنتي تبين مطاعم مع سهرات روحي
(الباي روك ) بالروشه
السكريه واوتار ونهر الفنون وهذولي كلهن في بيروت
(بتي كافيه ) راقي وحلو بس استغلال للخليجين الاسعار دبل لهم

************
روحي لمغارة جعيتا عباره عن كهوف ونهر جوفي
الدخول 60 ريال تقريبا
ياخذونك بالتلفريك الى اعلى الجبل وغابات تحتك وهو قسمين سفلي وعلوي السفلي غالبا بالشتاء يقفل عشان يرتفع الماء بنسبه كبيره الجوله تستغرق ساعتين تحت بالقوارب وفوق على رجولك وفيه عرض عن الكهوف


اما اماكن الاطفال والترفيه:
مدينة ملاهي بيروت قرب الروشه حجمها كبير على البحر

مجمع ويفز مجمع مائي كله مسابح وملاعب مائيه ومطعم وهو في المنصوريه_المتن

بت بت وغولف غيم في بيت سعاده مع مركز سبلاش ماونتسن مكان تزلج والعاب مائيه للاطفال والكبار

مسبح عجرم للبنات بس والاطفال بمنطقة عين المريسه

منتجع ربو لايتو العاب مائيه على طريق نهر الكلب قريب من نهر الفنون

واتر جيت مدينة العاب مائيه تبع فندق لي رويال


تعب والله برجع وقت ثاني اكتب الباقي
:D

انا السنه الماضيه في لبنان بس ماطولت
بالنسبه للاسواق في لبنان مركز ABC له فرعين واحد في الظبيه والثاني في الأشرفيه
ومجمع الفردان وهو عباره عن مركزين متقابلين
وسوق حمود الظاهر هذا الاسم على ماأظن((هو سوق شعبي))
والمطاعم والكوفي شوب تلاقين بالسوليدير مليانه مطاعم وكوفي شوب واختاري اللي تبين سواءً مشهور او مو مشهور والاسعار تلاقين رخيص و غالي
بالنسبه للفنادق انا اسمع يمدحون فندق فنيسيا
وانا اشوف موفنبيك حلو بس ماسكنته رحت للكوفي شوب حقهم والكوفي شوب قمه بمعنى الكلمه
وهذا اللي اعرفه
واحاول اسأل لك ياعمري

الاسواق
فردان بلازا ببيروت غالي شوي
اسواق الحمراء بمطنقة الحمراء
مجمع سديكو سكوير بالاشرفيه
كونكورد سكوير وفيه مطاعم
اسواق برج حمود ومشهوره باسواق الذهب وهي رخيصه
مركز بعبدا غالي شوي وفيه كل الماركات العالميه
اسواق الكسليك واحسن وقت تتسوقي فيه بالليل واسعارها مناسبه
**********
مقاهيهم
شارع الفردان كله مقاهي
بالنهار العالم تطيح بفردان سنتر 730 و 735 وستار بوكس
مقهى ( city cafe) بمنطقة قريطم
**********
شارع الحمراء ببيروت الغربيه شارع ترفيهي كله دور سينما ومسارح ومقاهي وكله غناء شرقي وغربي ورقص

***********
المنتجعات بلبنان
احلى شي ( مينا هاوس كلوب) على قمة تلال شاليمار في بعبدا
منتجع(ريزورت اند كينتري كلوب ) باحلى وديان لبنان وادي مارتين شمال لبنان كله حمامات سباحه للكبار والصغار وحجرة ساونا بخار ومطعم وركوب خيل ومقهى وفيه فلات رهيبه على شكل كهوف صخريه

واتمنالك رحله موفقه يارب

ماقصرو البنات

بعد في مار الياس يشترون منه اللبنانيه
بس تسالين يدلونك وين

في بعد (بالم سبرينق فيليج ) لو حبيتي تشربين كفي بعد المغرب الجو جناااااااان
وهي مقابل الروشه فين بالضبط ماعرف اوصف

مثل القريه فيها محلات كفي كثير مشهوره اذكر منها ستار بكس انتي تتجولين وتختارين الي يناسبك تحت اووو فوووق وفيها كذا مطرب يغنون

بس ما انصحك تغامرين وتطلعين فالتلفريك المهتري من عهد عبدالحليم مصدي وربي
هههههههههه

يمكن تلفريك جعيتا ينفع للخوافين

وبعد بحمدووووون منطقه مره حلوه السيارات ماتمشي لابالليل ولابالنهار
من السحب والضباب بوصف جمال الجو عميتها هههههههه

وبالنسبه للمطاعم مانويلا حلوو ع الكوررررنيش احلى شي فيه جزءين مغلق ومكشوف
واكلهم يطير العقل والباقيات ماذكر اساميها كلهم حلوين

والفنادق الفينيسيا طبعا وغيره مايناسبني

بس حبيبتي مو شايفه التفجيرات الي صايره بلبنان
اخر تفجير كان فبرمانا وكان قريب من الشقه الي تملكناها
هذا عيب الي يشتري فبلد مافيه امااااااااان

بالتوفيق اختي سفره سعيده يالغاليه

اشكركم يا بنات
والله اني خايفه من التفجيرات بس وين نروح؟
حتى لندن فجرو فيها..
امريكا ماعاد نروح لها
ولندن السنه الماضيه واللي قبلها رايحه لها ..وابي اغير..
رحت لاسبانيا وما حبيتها ابدا ورحت للنمسا زماان وان صغيره واليونان ايضا
دبي نحب نروح لها في عطلة الحج
انما هالسنه فكرنا بلبنان
الله يستر..انا شاكره لكم من كل قلبي الله يوفقكم واللي عندها زيادة معلومات تزيدني لاتبخل.
مع كل الشكر
ولو وحده تنصحني بفندق نظيف جدا واربع نجوم قريب من بيروت اكون شاكره .بس اهم شيء نظيف ومرتب وسعره معقول
مع السلامه