اللي خبيرة في الحياة الزوجية لا تبخل علينا

تعرفي زوجك متعلق في اخوانه مرهـ

ما في شئ بين الزوجين اسمه خصوصيه
بالذات في امور المشاريع والمال وغيرها الا تمس الحياه الزوجيه مباشرة وغير مباشر //اما اخ الزوج ومشاكلهم نصيحه ابعدي عنها حتى لو قال لك قولي ما لي دخل ترها تجيب وجع الراس

حاولي معاه بالتفاهم والحوار وحاولي تتقربي منه باشياء يحب يشوفها عليك
حاولي تكوني الصديقه والاخت والحبيه وان شاء الله تنفع معاها
ولو استشارك في امر حاولي تحكمي عقلك في الرد الرجل يعجبه المراه الحكيمه

حبيتي الحرمه هي اللي تقدر تجذب زوجها انه يعلمها كل مافي جعبته بطريقتها
بطلي تسالينه وانك مو مهتمه ولا تحسسينه انك ودك تعرفين كل شي
شوي شوي بتلاقين انه هو اللي بيقولك

حبيبتي هذا طبع لزوجك وعلشان تغيري هالطبع لازم لك حرب سياسيه وهالحرب ممكن تكسبي فيها او تخسري فيها
في البدايه حاولي بلحظه حب تقولينله ان خصوصياتي من اختصاصي انا وياك مو من اختصاص اخوه او اي احد
يعني اذا انت تؤمن بالخصوصيه ليه التناقض المفروض اشيائي ماتقولها لاحد
بس ان كل واحد له خصوصيته وفي الاخير القى نفسي من غير خصوصيه بسببك هذا تنااااقض
يعني في البدايه حاولي تحصلي ع خصوصيه وان مايقول اشيائك للغير
وفهميه ان كل الي حولينه محتفظ بخصوصيه زوجته له ومايقولك عنها واذا انكر هالشي وقال لا انا اخواني يخبروني قوليله اولا اينا احترام الخصوصيه الي انتو تحملون شعارها ثانيا حاولي تلقي شي من مره اخوه مثل سفر او شراء بيت وخبريه فيه وياريت يكون هالشي اخوه ماخبره عنه عشان تقولي له شفت ما احد يعلم اسرار بيته
ثانيا حسسيه اننا احنا شركه وحده وانه هو خارج نطاق بيت اهله كما انتي خارج نطاق اهلك
حسسيه بالنتماء له
وكل هذا يبيله وقت ويبيله سياسه مايجي بالخناق يعني جرعات يوميه والله يوفقك ودائما ادعي

فى نوعية جذى ترفع الضغط

طنشيه راح يرجعلك

أعرف واحد من أقاربي كان يخبي عن زوجته أموره خاصة اللي فيها فلوس ..مشاريع ...وغيره
والسبب انه يخاف تنقل اموره هذي لاهلها ماكان يحب احد من أهلها يعرف عنه شي



واحد ثاني ماكان يقول لانه يسمع ان الحريم ثرثارات ومايصلح تقول لها امورك الماليه

واحد ثاني يخبي عشان ماتعرف رصيده كم وكم عنده........عشان ماتستغله وتشتغل الطلبات

واحد ثاني عنده مشاريع ومخبي على زوجته لانه يخاف تفشل مشاريعه وبعدين تعايره او تقلل من قدره زوجته

واحد كان ابوه كذا يخبي اموره عن امه وورث هذي الحاجه عنه وصار يطبقها على زوجته بدون وعي

واحد ثاني يحس بقوة مسؤلية الاسرة ويحب يشتغل في صمت وما يشغل زوجته معه ويفضل انه مايقلها شي

واحد ثاني تعود انه مايقول لزوجته وهي ماتسأله عن شي ولما بدأ شغل المشاريع ما يقولها شي
وهي لما عرفت ان سلفتها تعرف عن امور زوجها ...قالت وليش أنا ما اعرف
فقامت تبي تغير الوضع طبعا ما نفع معه لان التغيير ما يجي بسرعه..

عزيزتي
هذي مجرد أمثله فقط وفيه غيرها كثير
أول شي لازم تكسبي ثقة زوجك وانك محل سره وستره وغطاه
لازم تتكلمين معه عن المستقبل والامل والنجاح وتشجعيه وتدعين له وهو يسمع وهو داخل أوخارج
لازم يعرف ويحس ان نجاحه هو نجاحك وسعادتك

احذري ثم احذري ثم احذري من سلفتك حتى لو زوجها يقول لها هذا شي ما يعنيك
انتبهي تقولين لها شي بخصوص امور زوجك نهائيا مهما كانت طيبه
خليك معها مستقبله لا مرسله
يعني هي تقول عادي انتي تقولين لها لا والف لا
مادامت تتكلم مع زوجها في هذي الامور ممكن ينتقل كلام جا عن طريقك وبدون قصد منك ويوصل زوجك بطريقه اخرى
ويزعل منك

لا تسأليه عن شي فقط حاولي تكسبي ثقته في عقلك وتفكيرك وحبك لنجاحه
ومع الوقت هو راح يقول لك.

ترى عادي جدا الموضوع واشوفه كثير بين الازواج
اخوي يحب زوجته ومدلعها وسعداء...لكن ما تعرف شي عن اموره الماليه انا اعرف اكثر منها بحكم انه اخوي قبل ماتكون هي في حياته و زوجته
فاهمتني ...لكن اكيد مع مرور الايام والسنين رح تعرف

انا اعرف بعض الامور مو كلها بعض مشاريع زوجي واخوانه لكن سلفتي ماتدري عن شي وزوجها يحبها وحياتهم حلوه لكنه طبع زوجها كذا

هي تسالني وانا اقول لها ما اعرف شي عنهم
ودايما اقولها المهم انهم يتوفقون وينجحون في شغلهم وادعي لهم واقول الله يسعدهم...التعب عليهم والخير لنا ولعيالنا

حبيبتي خلي تفكيرك فوق هذي الامور وهي رح تجي لعندك
ريحي بالك
وحاولي تفهمي شخصية زوجك عشان تعرفي تتعاملي معه في هذي الامور بحكمه تناسب شخصيته

الله يوفقك