اللي دائما يشكون من أهل الزوج !

الأسرة والمجتمع

السلام عليكم .
بصراحه كثير أحصل الزوجات يشكون من أهل الزوج .بصراحه مستحيل تكوني داخله بطيب وتحصلين الصد منهم والمعامله السيئه الا اذا شافوا شي منك .او من البداية ماكانوا يبونك .
مثلا عندي أخ متزوج زوجته مافيها شي مثل كل وحده فيها الايجابيات والسلبيات . راح اتكلم عن السلبيات اللي تضايقنا .
طبعا هي ساكنه في شقه خلفيه من بيت هلي ودائما عندنا .
1/كل صغيره وكبيرة في بيتنا تنقلها لاهلها وأنتم تعرفون البيوت أسرار مع أننا نحاول قد مانقدر اننا مايكون اي شي قدامها لكن وجودها بستمرار يجبر ان اي شي يصير في البيت تنقله وهذا يضايقنا !
2/ أنسانه ماتعرف تجلس في بيتها دائما مسيره .وهذا شي حنا ماندخل فيه لكن راميه ولدك دائما عندنا هذا خطأ حنا ومدائما فاضين خاصه ان هذي الفتره تبي تعلم ولدها دخول الحمام وتنزله بدون البامبرز وتخيلوا كيف يوسخ علينا البيت وغير اننا نغير ملابسه بستمرار لاين مايبقى له غيار والهانم يابسوق يسهرانه عند فلانه أو علانه واذا رفضنا او عتذرنا عنه امي تستحي وتوافق وباالاخير مانرضى لامي بأخر عمرها تغير عنه !
3/فترة أخوي تعب علينا ويحتاج مطاوعه ومايقدر يسوق المهم الهانم ماتقدر مرضه وتعبه وهو ينزل معصب لكن مايتكلم لكن نعرف ان بينهم شي وهي اذا نزلت ماتخلي باخوي فيه خير وتجحد كل شي قدمه لها ويوم نقول زوجك تعبان اتقى الله فيه تقول كل الرجال يتعبون بس يودون حريمهم ..الخ
4/هذا غير تدخلها منو تبون تخطبون لاخوكم وخايفه نخطب له وحده ماتبيها او احسن منها او مدري وش سالفتها مستلمتنا متى تزوجونه .
هذا فيضا من غيض ...بصراحه بعض حريم الاخوان دخولها ع العائلة شر مو خير .
لدرجة مره نوينا نخطب من عائله ونعرف بناتهم ومره حبيناهم امي ماتعرف البنات ومره سألت زوجة أخوهم أعوذباالله ماذكرتهم بخير ولا سكتت لدرجة أمي كشت منهم ومو راضية نخطب منهم . المشكله نعرف البنات اكثر من زوجة أخوهم اللي ماندري عنها .وللاسف تكنسلت مشروع خطبه لهم .
أنا هنا انكلم عن البعض وليس الكل .
13
3K

يلزم عليك تسجيل الدخول أولًا لكتابة تعليق.

تسجيل دخول

fhh30
fhh30
انتي تتكلمي من منظورك ومن رايك في زوجة اخوك ماألومك وأنا معك بعض زوجات اخواني يطلعوا العين حتى اخواني من كثر مايشتكون لنا ونقول لهم الله يسهل لكم ولا ننقل لهم حريمهم كيف معانا من سوء معامله وووو بس هما في معاانااة في بيوتهم الله يعينهم على ماابتلاهم
لكن الاغلبيه اهل الزوج يطلعوااا العين يبغون حياة كريمهم لبناتهم لكنهم يغارون من حريم العيااال ويمشون ولدهم بالريموت لا تسوي لها لا تخرجها ووووو
حسبي الله ونعم الوكيل على كل انسان مايخاف الله باخوانه المسلمين
اسرار بنت ابوها
اسرار بنت ابوها
ششووووفي اهم شي تدخلي لهم بنيه طيبه لاتاذي احد لا بتصرفات ولاتنقل كلام ولا تشتكي عند زوجك عن اهله ابد ابد لانك انتي بكفه خسررررررانه والله يابنات انا حتى لو صارت هوشه قدامي اسكت واسحب نفسي ولا لي دخل لو زوجي يتذابح مع اخوانه واهله ماااااالي دخل قل خيراااا اووو اصمت ثاني حاجه ربي كفيل بالنوايا اذ نيتك طيبه وهم خبيثين ربي بياخذ حقك تاكدي الف بالميه انظلمت وشفت كيف الحق يطلع وفوق ذالك زووووجي مرررررره يسمع كلام امه وادري كل كلامه وتعليقه مو كلامه وفوق ذالك اسكت ان فيه ظلم لي اتحسب وان كان كلام عادي غيرررة الام معذوره ابتسم واسكت 😊 وبالاخيرررر الله يسخر لطيب الناس الطيبه 😃
بنت الميمي
بنت الميمي
يالغاليه مثل مافيه زوجات دخولهم شر على العائله
كمان فيه اهل زوج يكونو مدخل شر على بنت الناس ..
والله يعين الجميع
حـلا
حـلا
انتي في حالتك المفروض ماتستقبلون ولدها وتتهربون منها ..
ومافي مانع تقطونها بالوجه انكم منتو فاضيين
بس اغلب الحريم يكونون اهل زوجهم شريرات خصوصا لما الزوجه تنصح الزوج في اهله
ويشتري لهم وتنصحه يبر فيهم .. يصيرون يفرون راسه علي زوجته ويتصيدون غلطاتها
لاطلبو الولد ومانزلته قالو حرمتنا واذا نزلته قالو هاملته
واذا جاتهم تسلم عليهم مره بالاسبوع مثلا قامو يتصيدون اغلاط ويحطون فيها كلام ماقالته
واذا قطعتهم تجيهم بين فتره وفتره قالو قاطعه ووو
المشكله حتى لو حاولت ماتحتك فيهم ومهما يغلطون فيها ويكذبون عليها ويحرجونها عند الضيوف تسكت وتمشي لكن مايبرد قلبهم لين يفرون راس زوجها عليها
ويموتون لو الزوج سفرها ولا طلعها .. ولا يجلسون عند الباب يراقبون الداخل والطالع
انا الحمدلله امي مستحيل تتدخل في اخوي وزوجته رغم انه تجيه فترات يتغير ..علينا ويجيب كلام ماهو كلامه
بس نخليه بكيفه بعد فتره يتعدل ..
فأنا اشوف الوحده لاتنقل كلام ولا تتدخل في حياه احد واذا انظلمت مرده الحق بيطلع
ياتسجل كلام اهله عشان لو كذبو تواجههم يا انها تسكت عشان مايكرهونها اكثر
لكن الاهم تقول لزوجها لاعاد تجيب لي كلام وقيل وقال واهلك كلامهم صح بس لاعاد تجيب لي كلام انا ماحب سوالف الحريم
بعدها الزوج بيتوب وماعاد بيجيب كلام اهله ... ويعرف كيف يسكتهم
زي مثلا يطلبون الولد ولا البنت وواذا نزلت قالوله تاركتها من الصبح للحين؟ وهو مع الزوجه والعيال وشايف بعينه
ان الطفل مانزل الا بعد العشاء ... سبحان الله يغسلون مخه ويصدق لين الزوجه تقوله وش فيك انت كنت معنا ؟ وشفت الطفل متى نزل
يعني مدري كيف بعض الاهل عندهم تنويم مغناطيسي يفرون راس الزوج فر
ومدري وش المغزى من الحركات
لكن انا اشوف الوحده تتغافل وتصبر وتحتسب لان اكيد بعض الامهات يغارون على عيالهم
ولا اللي تجيك تمدح حريم وتطيرهم للسماء قدام ولدها عناد في زوجته
وطبعاً في زوجات اخوان طيبات وعسل وفيه الل تفر راسه ع اهله واللي تكرههم وتنقل كلامهم
فلا نعمم
صممتي لغتي
صممتي لغتي
لا يمكنك مشاهدة هذا التعليق لانتهاكه شروط الاستخدام.
أنتي من فين تفهمين ؟!
أقولك هي من تزل وتغلط في أخوي قدامنا !
تقولين وش عليكن!!!!
لا ماعلينا شي بس نصفق لها تشرشح أخوس وحنا نصفق لها ! مشاكلهم بيتهم مو تزل بشرها علينا !