اللي درست علم نفس او قد مرت عليها ذي الحاله تساعدني

بنات بسألكم اذا الشخص كان يطمح من صغره انه يكون بوظيفة معينه يتمناها ، وكان يتثقف في هذا المجال ويسأل اصحاب المجال عن مجالهم الخ ولما صار في الجامعه قالوا له انت مستحيل تكون بهذي الوظيفة والأسباب كذا وكذا وكذا ، وهو مااقتنع وراح سأل الناس اللي بالمجال هذا وقالوا له نعم ماتقدر تدخل هذا المجال شوف لك وظيفة غير هذي(بعدها ترك الجامعه يقول الدكتور والطلاب يطالعون عليه مدري كيف يعني نظراتهم له مو زينه)
المهم هو ما اقتنع وصار يحبث ويبحث ويفكر كثيير ويدور على واسطات المهم بعدها صار عصبي ويطلب من والده يجيب له واسطه عشان يدخل لهذا المجال وطبعا والده ماعنده واسطه ولا هم يحزنون فبسبب عصبية هذا الشخص والده يقوله طيب بجيب لك بعد شهر وهو ينتظر والشهر اللي بعده يقوله بعد 3 شهور واللي بعده 5 شهور وهو ينتظر وصار يعصب ويسب في ابوه ومن بعدها صار كل كلامه ابوي فعل وابوي سوا واليوم كله سب في ابوه وقعد ع ضصا الحال 6 شهور مع العلم انه يعني كان طبيعي يطلع ويخرج ويتكلم مع الناس بس صار مايحترم احد يغلط ويقول الفاظ قذره اذا زعل ، حتى لأخواته 
وصار يشك انه احد حاط برنامج مراقبة بالكمبيوتر وهو فعلا اخته كانت حاطه برنامج مراقبه وهو قد عرف بذا الشيء وقال انا بفرمت الجهاز فحسبوا الوضع عادي لأنه يعلم بذا الشيء بعدها صار يخاصم اخته يقول اكيد حاطه له كاميرا مراقبة في الرسيفر وبعدها صار يقول ان الناس بالتلفزيون يطالعون عليه ويضحك يقول لأمه هذولا ليش يطالعون علي وامه تقوله انت توسوس الى ان قام وقطع سلك الدش ومرات يقول شفت احد يمشي لونه اسود ونط من الشباك او شفت بسه سوده تطالع فيني طبعا بذا الوضع وهو تحسينه طبيعي يطلع ويخرج ويتكلم ويتجمل وكأنه عادي واهله لما يقولون له بنوديك عند راقي يقرأ عليك يرفض لين اخذوه بقوه وقرأوا عليه ومازال مثل ماهو وحتى لما احد يمشي يقوله ليش تمشي كذا زي الوسخين ليش انت تاكل كذا ليش تطالع فيني كذا وبعدها يصير عادي يتكلم ويسولف مثلا يقعد يسولف مع اخته يقولها ممكن انا اكون المهدي وكذا هي تقول لا يقول طيب وش دراك ويقعد يتحجج ب ادله واحاديث او يسولف معها بكلمه وهي ماتجاريه يقوم يسبها سبات قذره ، ومره انقطع بنطلونه عند اقاربنا وقعد يمشي عادي قدام الناس ويضحك ويوريهم شوفوا كيف سروالي انقطع وراح يوري اخته واخته زعلت وقعدت تسبه وامها تقولها انتي محد يكلمك اصلا وبعد 8 شهور تغير بالمره صار انسان ثاني انعزل عن الناس وصار 24 ساعه يفكر ويضحك بينه وبين نفسه ويدور في البيت اذا احد يكلمه يقول طيب - لا -بعدين -روح عني -انت ليش كذا كلامك كثيير ويروح يجلس لحاله يفكر ويكتب وبكل الأوراق حاط نفسه متوظف بالوظيفه اللي يتمناها وقاعد يصدر اوامر ويشتري جرائد ويكتب عليها بين فتره وفتره ومهمل نظافته وبس طبعا لسى ماوده للطبيب النفسي بس البنات قالوا ان اللي فيه فصام وانا بكلامي الأول ماوضحت كيف صار كذا بالتدريج! !