انا زوجي يستلم 24ساعه تهي تهي تهي

انا في بيت اهلي كنت متعوده الغداء وحده وقهوة العصر احلى شيء عندي والعشاء بعد صلاة العشاء بعد الزواج كل شيء تغير

نظامي كالتالي
اذا كان بالصبح يكون من ٨الى٤العصر اقوم وحده افطر واجهز الغداء ورتب البيت ويجي يتغداء ونسولف حتى المغرب وبعدها يروح ينام واصحيه ٨الليل وبعدها نطلع او نجلس بالبيت وينام الساعه ١٢او وحده بالكثير

واذا كان بالعصر يكون من ٣الى ١١
نقوم مع بعض الساعه ١٢الظهر نتغداء وبعدها يروح للعمل ويرجع الليل والعشاء جاهز نتعشاء وننام ع ١ او ٢

واذا كان بالليل يكون من ١١الى ٧الصبح
يكون الوضع عادي بس اذا رجع الصبح يجيب فطور ونفطر سوا وبعدها ينام الى بعد العصر وانا اكون لوحدي

الحين بعد انجابي لطفلتين طلبته يجيب لي شغاله لانه اغلب وقته في العمل وانا احتاج مساعده في الاطفال واهلي بعيد عني مرره

زوجي شفتات,,,مرتين او ثلاث مرات بالأسبوع,,,و12ساعه
احيانا,,ياخذ6ساعات,,,ثم بعد 6ساعات يرجع ياخذ الــ6الباقيه
واحيانا ياخذها كلها مره وحده
لكن مافرقت معي عادي,,,مرتبين وضعنا عليها
وبالعكس لمن يكون مستلم اطلع وارجع على كيفي,,ماأشيل همه

نفس الشيء زوجي شفتات والاهل بعيد عني :(

يداوم الساعه 6 الصباح الى 2 الظهر لمدة 7 ايام وبعدها يومين راحه ويبدأ شفت جديد من 10 الليل الى 6 الفجر لمدة 7 ايام و بعدها 4 ايام راحه واخر شفت من 2 الظهر الى 10 الليل برضو 7 ايام وبعدها يومين راحه وهكذاااا

ومرات ينضغطون بالدوام ف يصير يداوم 12 ساعه يوميا من 6 المغرب ل 6 الفجر او العكس

يعني نحححححلم بأجازة الجمعه والسبت دايما مداوم بس مره بالشهر يصادف م عنده دوام

بالنسبه لوضعي اقلمت نفسي غصب واشغل نفسي بالبيت والنت وتعودت اجلس لحالي واروق مع نفسي واحيانا اروح لاهله ينزلني ع طريقه واذا رجع ياخذني بس نادرا

الاكل لازم قبل يداوم او اذا صحي واذا رجع من دوامه يعني وجبتين باليوم و ع حسب الوقت تكون فطور او غداء او عشاء

الطلعات وكذا الله يعييين نستنى الاوف عشان نخلص امورنا واحيانا حتى بالاوف اجلس بالبيت لانه غالبا يخلص اشغاله فيه

بالنسبه لي م عندي مشكله اقدر اتعود بس شايله هم اطفالي بعدين احس م راح يتعودون ولا راح يناسبهم الوضع ولا يقابلون ابوهم كثييير واذا دخلوا المدارس وجات الجمعه والسبت راح يجلسون بالبيت لان ابوهم مداوم مو يطلعون ويغيرون جو وخايفه تبدأ المقارنات مع عيال عمهم وكذاا ،، بس الله يعين

زوجي دوامه برضو شفتات كل يوم يتغير الصباح من 5ونص الى 2ونص
والظهر من 1 الى 10 ونص بالليل
وبالليل من 9 وربع الى ثاني يوم 6 الصبح
وبصراحة تعب وملل واوقات نومه مرررة ملخبطة حتى في الاكل والخرجات والزيارات وكل شي .... مااقول الا الله يعين ويفرجها برحمته
نسيت اقول الحين دوامه تغير صاير 12 ساعة يومين شغل ويومين اجازة بس حتى في هذي لخبطة