ماشاء الله عليكم
بالنسبة لي افضل المطاعم اللي جربتهم بجدة بالم بيتش ((شاطيء النخيل)) وذكرته احدى الأخوات هنا
موقعه قريب من الكوبري المربع وغالبا اروح لمن يعمل بوفية مفتوح
الخميس عشا والجمعة غدا وعشا الفرد الواحد ب65 ريال أكلهم لبناني >> نظيف ولذيذ وجلساتهم مو مكشوفة على بعض..

مطاعم عمو حمزة بحري لذيذة ونظيفة وأسعارهم معقولة يكفي 150_200 لشخصين..
والمطاعم اللي على طريق ذهبان حلوة وأسعارهم كويسة زي ماقالت احدى الأخوات هنا..

شيزان للأكل الهندي لذيذ ونظيف والمطعم مو مكشوف وأسعارهم كويسة 200-300 للعائلة المتوسطة ..

مطعم فن في شارع الأربعين للأكل الأندنوسي لذيذ بمعنى الكلمة ومو مكشوف ونظيف وأسعاره كويسة الصحن المشكل اظن مو متأكدة ان ماخانتني الذاكرة فسعره ب20 ريال وهوه اغلى شيء عندهم..

جربت المطعم الايراني في شارع الاندلس ماانصحكم تروحوه سعره مو مناسب مع جودة الأكل >>الأكل ماعجبني بصراحة كلفنا حوالي 370 وماحبينا الأكل مااعرف بايت والا ايش سالفته ... الحمدلله على النعمة..

مطعم بحري في شارع صاري وعاملين ديكورات بحرية مااذكر اسمه أكلهم كويس بس عمو حمزة أطعم وألذ,,

الفيروز مطعم تركي بشارع حراء اسعاره عادية وأكلهم عادي ...

وكانتون مطعم صيني مطعمنا المفضل في اي مول نروحه واسعارهم كويسة وأكلهم لذيذ لذيذ لذيذ...
بس مااعرف وين مقره الرئيسي...لأننا عادة نآخد من المولات ...

اممم اللي نفسي اجربه بس مااعرفته عنوانه كويس هوه مطعم تاج محل بالخالدية (( بس الله اعلم وين بالضبط))
وكمان مطعم الوزان اسمع عنه وحددت موقعه بس ماعمري جربته وان شاء الله اجربه في يوم ..


أتمنى اكون افدتكم وجزاكم الله خير على عرض تجاربكم..

بنات خيال التركي وين مكانه بجده واش احسن الاكلاتعنده

خيال قبل سيتي بلازا اللي فشارع الامير سلطان واكله مشاوي والكبه مره لذيذه

في شارع الامير سلطان قبل ستي بلازا
واكلاته كلها حلوه المشاوي والمقبلات

افضل المطاااااعم بنظري

اروما كافيه اللي في الحمرا
بصراحه اكله كله يجنن

يلدزلار افضل مطعم لبناني في الاندلس

لاكوزين مطعم فرنسي راااااااائع قدام الجمجوم

تاج محل مطعم هندي بالخاااالديه

بيتزا امور مطعم ايطالي في التحليه قدام كورال مول

موتشوز ومكانه في التحليه

والمطعم الصيني اللي بالروضه

مطعم سلطاني اكلات ايرانيه في الاندلس