اللي ذكية مره ( كونن) يعني وتقدر تحل مشكاتي توريني شطارتها ؟!!

بسم الله الرحمن الرحيم

أخواتي العزيزات .. لما قريت معكم مشاكلكم مع الشغالات وشفت نبذه من
حلولكم قلت أعطيكم موقف أو مشكله حصلت معي ومو لاقية لها حل أبد أبد ..
وأظن مشكلتي تبي لها وحده فطينه حيل وذكية عشان تساعدني !!
وهي بختصار نوعا ما << أنواع الثقافه بسم الله علي .. :3_3_103:
إن عندنا في بيتنا شغاله لكن وش شغاله مشاء الله عليها حبوبه مره حريصة
ومخلصة ومدينه وأمينه وتحبنا كثير نعتبرها زي إختنا بالظبط راتبها كله موفرينه
لها كامل بالبنك وترسل اللي تبي منه لأهلها وكل مصاريفها الثانيه علينا ونعطيها
إكراميات ودايم نهتم بشعورها ولا أحد فينا حاول مجرد محاوله يهينها أو يجرحها..
طبعا هي رغم إن الشغل عليه كثير إلا إنها مرتاحه معنا مره وطلبت نمدد لها سنتين
ثانيات وكل أقاربنا حاسدينا عليها من جد فرق عن غيرها وأحسن من كل
اللي جبناهم قبل.. :3_2_8v:
المشكلة اللي محيرتني هي إن مجوهرات إختي كلها إختفت من البيت كلهم وقيمتهم
حول الثمان وأربعين ألف طبعا هي ذهب زواجه وكله جديد ماإنلبس ..
هي طلعته تزكيه قبل سنه وردته للبيت وعلي حطت إيدها راح ..في البداية إتهمناها وبكت
وحلفت علي المصحف إنه موهي ..قلبنا البيت فوق حدر ماحصلنا شي ..
الغريب في الموضوع هي ماتروح ولاتطلع أبد أبد والبيت مافيه شي نهائي ..
غير إنها لو تلقى ريال طايح تركض تعطينا إياه وأمينه كثير ..وراعية صلاة وقرآن وتحب
أطفالنا وخصوصا اللي عمره سنه ونصف من ولادته تحبه و تنصح له أكثر من أمه :04: ..
علي فكره جوال أختي الثانيه ضاع في البيت بعد ولا لقينا له أي أثر من سنه بعد كانت
تلبس بتروح دومها الفجر وجوالها مع ولدها الصغير أقل من عامين ولما دورته ماحصلته
قلبنا البيت ماله وجود قلنا أكيد طيحه في بيارة الحمام وأنتم بكرامه سواها مره في بيتهم
لكن طلعته أمه لأنه في بيارت المطبخ ..
والحين أنتم وش رايكم ؟؟ وكيف أقدر أحصل الذهب وش الطريقه اللي تكشفها إذا هي ؟؟
ماودي أظلمها أبد علي قولتهم يمكن( بسم الله) هم اللي أخذينه ؟!! :ohmy:
لاتقلون إذا بتسفرونها فتشوها زين لأن هالطريقه جربنها قبل مع الشغاله اللي قبلها والله
إن الوالده شارية سوار كبر راسي هدية لأمها وقاعده تناظره توها جاية من السوق وطاح
بحجرها والشغالة تحط المعاميل قدامها حقت القهوه والشوفه هي الشوفه إلى يومك ..
راح فتشناه وهاوشناه وإجحدت وقلنا إذا سافرت بنطلعه والله إنا فتشناه عند باب الشارع
ولا لقيناه بنت اللذينا حسبي الله عليها :angry2: ..
يالله يابنات لاتطنشوني تكفون ترى كونن اللي بتطلعه لها الحلاوه اللي تبسطها ..
أنتظر ردودكم وسوري علي الإطاله .. بس أدري بكم حبوبات وعسل .. :27:
ياحليلي علي هاورده مسويتن فيها مؤدبه بسم الله على قلبي بااااى :icon35: