مكرر

§§§§§§§§§§§§§§§§§§§§§§

عزيزتي de lyon ا 6000 ريال=1621دولار
خلينا نحسبها عزيزتي
1500 بالقليلة اجار للبيت شهريا
فاتورة جوالين في الشهرين 400 يعني في الشهر 200
فاتورة ثابت طبعا بالتقليل من النت اللي يحوس الفواتير 250
فتورة كهرباء في الصيف300 وفي الشتاء100 يعني المعدل200 في الشهر طوال السنة
الشغالة طبع تحاول الوحدة ما دامها ما تشتغل انها تستغني عنها
نحسبها المجموع2150 تروح من الراتب فعليا كل شهر. زائد مصاريف السيارة من بنزين وتصليح تقريبا 300كل شهر
المجموع2450 يعني يبقى3550

ما ادري كم تحتاج المونة شهريا من طعام ومواد تنظيف هل تكفي الف شهريامع الاقتصاد يمكن ليه لا
(في اشياء السوبرماركت يجب عليك ملاحقة عرض محلات السوبر ماركت اللي صار بينها تنافس لشد الزبون فاحيانا تلاقي صوابين طايح نص سعرها او لحوم اودجاج عليها عروض قوية ففي هالحالة لا تقصرون )انا قصدي كارفور وجيان وهايبر بندة والمخازن الكبرى.
يبقى2550 منها 1000 لك ولعيالك و400 لزوجك(احس الرجال مصاريفهم اقل)
يبقى 1150 لو تدفعون منها 150 صدقة عشان ربي يباركلكم.يبقى 1000 هذي منها 600توفير بحساب بالبنك يعني ما تلمسونها. و400 الباقية توفير على جنب واذا انزنقتوا تلقونها.
ما ادري الحسبة صح وهل نسيت شي ما حطيت له حساب.انا اتوقع الاجار يبي له زيادة لاني حسبت الاقل وهذا ليس الغالب.

ما شاء اللــــــــــــــــــــــــــــــــــــــــــــــــــــــــــــــــــــــــــه عليكي يا lily3

استغلي التخفيضات في كل شي
حتى في تجهيزات العيد والزواجات

والهدايا حاولي بالتدريج على قد ما تقدرين انك تلغينها ,, الناس تكثر والمناسبات تزيد والاسعار تغلى وان كان ولابد اشتريها بعد لتخفيض مثل هدايا المولود ممكن ملابس من ماركات بوقت التخفيض

العطر والمكياج يكفي لعدة شهور ,, ممكن توفرين مبلغها من كم شهر

الملابس والجزم والشنط لك ولاطفالك مثل ما قلت استغلي التخفيضات

الساعة اذا انتم من النوع اللي يقدس الماركات الغاليه وعن كلامك تقعد العمر كله وزواجك ما ابطا ليش ما شريتي من تجهيزات الزواج
ساعتي من قبل لا اخطب والى الان لي متزوجة 4 سنوات ولا تزال هي هي ساعتي الماركة
يعني كفتني حول 6 سنوات ولا عندي اي نية لغيرها طبعا للظروف المادية

الفواتير ممكن تقتصدين في المكالمات على الجوال وتستغنين عن الرسايل اللي ما لها ضرورة

واخيرا لاتحقرين المحلات الرخيصة مثل الهرم واخر فرصة وسماء وطقتها في ملابس النوم والبيت والشباشب وشغلات المطبخ والكماليات عموما



ولا تنسين تطلبين الله البركة في مالكم فهي الاساس

والعبرة بالبركة وليس الكم ,,, اعرف شخص راتبه حول ال20 الف ولا كيف (شدة على الكاف )
وشخص راتبه 3500 او 3000 نسيت بالضبط وبدا ببيت ملك الله لا يضره ويبارك له مع العلم ان زوجته وعياله يلبسون من الزين والماركة وراعين مطاعم فخمة وسفريات