اللي راحت اختبرت في جامعة الملك سعود(مراقبة طلبة) تجي تقولنا وتبشرنا وش سوت

الله يوفقك اختي بسال وشلون مراقبة طلبة وكيف التقديم عليه

الحمدلله الإسئلة سهلة بس الخطأ وارد
بس بصراحة انصدمت
ماكنت ادري عن مهام مراقبة الطلبة الا من بعد ماقريت الأسئله
واضح انه كرف ومرمطه
لو ادري انها كذا ماتعبت نفسي وسجلت :22:

ما أفكر أبدا على التقديم وظيفه مراقبة

وعليكم السلام ورحمة الله وبركاته
كيفك حبيبتي REEMA وحشتيني :26: <<تمون الاخت
المهم بقولك كل شي صارلي اليوم <تقرير
يختي من يوم قمت الصباح وانا قلبي منقبض ومالي نفس لروحة الاختبار
ويوم جاء العصر لبست وتوكلت على الله ورحت للجامعة وماوصلت
الا الساعة خمسة بالضبط واطير سيدة لمبنى 24 احسب الناس
اختبرو وقضو يوم دخلت الا تو الناس مابعد اكتملو وفعلا اختبرنا
على 5 وزيادة يوم قريت السؤال الاول (نموذج رقم 1)
الدعاء (ياحي ياقيوم برحمتك استغيث )مره ارتحت وكملت الاسلئة
بشكل عام الاسئلة سهلة ومتنوعة بس احسها تخص المشرفة
الاجتماعية اكثر من مراقبة طلبة المهم خلص الاختبار والرزق
عند موزع الارزاق
بس اللي خلاني انسى الاختبار الاعداد الكبيرة اللي
شفتها اليوم ذكرتني بيوم اختبار جامعة الاميرة نورة محضرات
وفنيات مختبر <ياقلبي علينا كل ماصار تقديم ولا اختبار طرنا له
(اللهم ياجابر كل كسير اجبر بخاطري وخواطر خواتي المسلمات )
اسفة مره على الاطالة :27:

انا رحت اختبرت بس ( مشرفة اجتماعية ) بس الأسئلة كانت دقيقة جداً

جانا كم سؤال من الأسئلة العامه وسهله , وباقي الأسئلة عن التخصص بس طويله ويبي لها تفكير ووقت

وبصراحه خلص الوقت وانا توني باقي لي صفحه حليتها على السريع

وعلى قولت احد الأخوات المراقبه كانت فالته والبنات سوالف وضحك وتغشيش

الله يرزقنا وياكم كل خير