اللي راحت السوق قريب ,والا اشترت لها ولعيالها لبس تتفضل ..

السلام عليكم
رحت سوق صحارى ولفيته كله تقريبا 3 ساعات ,وطلعت منه ورحت لصحارى بلازا ...والنتيجة ما عجبني ولا شيء .....رجعت بخفي حنين :(ورحت سيتي بلازا ونفس الشيء وبرناردي ..
ما لقيت شيء يناسب , أحس السوق كله خلاقين وقطع غريبة عجيبة كل وحدة من ديرة ,أدري بتقولون هذي الموضة ..بس ليه حتى إذا جتنا الموضة بخرابيط زي هذي نتقبلها ؟! والله ما استسغت الملابس هذي , وبعدين أحسها تناسب أكثر لمراهقات وبنوتات مو لحريم متزوجات ...
واكثر اللي بالسوق إن ما كان كله ,يا قصير او بنطلونات او عريان ...
بصراحة الوضع خطييير ,,,يعني اللي ما يلبسون كذا ويبغون الستر والحشمة ,,من وين راح يشترون ؟؟
شكلنا بنرجع نشتري قماش ونخيط ..
وعلى فكرة حتى للأطفال السوق مو زي العادة ما فيه شيء يشجع ..
أحس اني شتت افكاركم وما وضحت وش ابغى بالضبط ..
اللي أبغاه انكم الله يجزاكم خير تدلوني على مكان يبيع لبس ناعم ومرتب وسااااااتر ..

وبعد تعلقون على الكلام اللي قلته ..


وسلامتكم .