اللي راحت جورجيا تتفضل

عمي يدرس فيها .هي فيها مسلمين وعمي كثير يمدحها

مرحبتين ياختي
كنت فيها قبل 10 أيام ولمدة 4 أيام
يومين مدينة كوتايسي ويومين مدينة باتومي، وبعدين دخلت بر على تركيا أكمل سياحه فيها
كوتايسي خضرا وجميله وفيها طبيعة خضرا و كهوف
بالنسبة لي تعاملت مع مرشد لطيف وعرفني على عايلته و استقبلوني فبيتهم، المرشد هذا من كوتايسي مادري إذا بيقدر يستقبلج من تبليسي،كان ياخذ عني 100 دولار لليوم للجولات فقط، بصراحه عانيت الأمرين من ناحية الأكل، ماحصلت مطعم حلال إلا فباتومي وأسعاره خيالية للأمانه، كونا متحجبين الأنظار تكون عليك أكثر، باتومي كانت مليانه روس، طبعا هم نصارى حتى النخاع، اللبس وايد فري عندهم، عن نفسي ارتحت لشمال تركيا لأنها بلد مسلمين والأكل حلال والناس لطيفه ومتعاونه، جورجيا أغلى فالصرف من شمال تركيا
من ناحية الأمان بصراحه ماتعرضت لموقف لأني أساسا ماكنت أطلع بعد الجولات من الفندق، ولكن المرشد خبرني إنه مايقدر يودر زباينه خوفا من إن يتعرضون لمضايقات أو تنمر من بعض الشباب، لانه صارت له فمطعم مع زباينه وتصدى لهم، مرشدي كان جورجي ويتكلم انجليزي بس مايعرف عربي
روحي واستمتعي باجازتج، وإذا حبيتي تقضين وقت فشمال تركيا فعبور الحدود سهل جدا إذا معاج الفيزا التركيه
أي استفسار حاضرين

حلوه تستاهل الزياره تبليسي ماحبيتها كل شي فيها يسكر٨ بالكثير الا شارع واحد كله بارات( مكان فيه موسيقى ويقدمون فيه اكل سريع وبيتزا ومشروبات كحوليه يعني لو جعتي الليل هذا الشارع الوحيد الي يقدم اكل الا اذا خليتي المكان الي نازلين فيه يطلبلكم بيتزا او دلفري )تبليسي اغلبها شباب خليجيين وغير خليجيين عزاب وبنات روس عند الاماكن حقت الشراب الوضع ماكان مريح بالنسبه لي قاطين مع الي محجبين حتى شعبنا الشباب بعضهم الله يهديهم عيونهم معك ومع اي احد خليجي يناظرون بوقاحه ماحبيت الوضع مافيه احترام لا يبون يناظرون صار ابوي يتضايق ماجلسنا فيها الا يومين ومشينا واليوم الثاني طلبنا دلفري بالليل مارحنا هذاك الشارع الفنادق اسعارها زينه الناس بشكل عام بحالها ودودين الي يبيعون بالمحلات البلد امان الشرطه بكل مكان حولك وفيها اماكن تشترين منها اعمال يدويه واشياء تصلح هدايا رحت مكان اثري تصعدين جبل وكنايس وقديمه طبعن هم بلد صليبي مسيحيين
ماطولت في تبليسي يومين عقب رحنا قريه اسمها برجومي الطبيعه تهبل فيها مياة الكبريت وجبال المكان حلو بس مايستاهل ذيك الزياره ضيعنا وقت فيها مافيها الا شارع كله مطاعم والمطاعم اغلبها في بيوت ناس يعني اسره فقره مسويين مطعم تحت بيتهم اكلهم لذيذ جدا بس بعد مااكلتنا عرفنا انه مب حلال 🙈😱عقب رحنا قريه ثانيه حلوه طبيعه ومراعي وحيوانات حولك بقر وخنازير وثيران نمنا يوم نفس الشي ترا القرى الصغيره مافيها شي غير مزارع اخر شي وصلنا باتومي تمنيت لو من اول يوم رحتها مررره حلوه و السكن فيها قدام البحر ابراج وسعر الليله ١٧٠ ريال
عندهم شاطى عام في باتومي اذا تحبين تروحين تسبحين وتتشمسين بس عام الكل مفصخ وكللللللله بنات روسيات مفاصيخ يعني لو كنت مسافره مع زوجي ماروح الشاطىء واصلا مارح اقدر اسبح ف مايصلح ولان شكلنا غريب بينهم الكل يناظر فيك ف للمحجبات صعب الا اذا نزلتي بغطاك وعباتك او حجابك
الاكل زين ورخيص بس مااعرف اذا كله حلال او لا لازم تتاكدين تاكلين اللحوم واسماك مايكلفه ١٥٠ ريال البلد حلوه تستاهل بس مارحت جبال القوقاز وبالنسبه للمرشد ماخذينا مرشد استاجرنا سياره وحنا اسره اهلي وكلنا سياره عائليه وكنا نمشي على قوقل ماب ونروح من تبليسي للقرى لييين وصلنا باتومي بس ضيعنا وقت لان احلى مكان عن نفسي باتومي
اذا بتروحين انتي وزوجك بروحكم خلك لازقه فيه البنات الروس ياكلون الرجال بعيونهم
بس بشكل عام حلوه تونسنا بس تمنيت لو رحت تركيا لانها بلد مسلم ومتعودين على الحجاب واكلهم حلال بس وقتها كان ممنوع تركيا ف رحنا جورجيا

احنا رحنا شركه حلوه
بس مستحيل اكرر الزياره لها بدائيه
ممكن غيري بيحبها كل واحد وجوه
تبليسي مررررره لا ماحبيتها رغم انها العاصمه بس بارده وسامجه
الاحلاهم باااااتوووومي



لو ينعاد الزمن رحت لباتومي دايركت ولاضيعت وقت

اي صح نسيت رحت كوتايسي تجننن وبسس سلامتك