الله يجزاكم خير جميعا وفيتو وكفيتو

البنات كفو وفو

هلا

انا من رايي انك ماتروحين للقرعاوي لانه غااااااالي ولاتروحين للعيسائي لان الهرم يقلد بضاعته وموديلاته بالضبط

انا شريت من عنده لبنتي عمرها عشره شهور فستان ب250ريال والله لقيته عند الهرم ب25ريااااال انقهرت

روحي لمحلات خاااالد موديلات فضيعه واسعاره معقوله

حبيبتي القرعاوي عباره عن مول وفيه مجموعة محلات

المحلات الي فيه متفاوته بين الوسط والمرتفع

وموقعه طريق الملك فهد

انا بالنسبه لي القرعاوي موب حلو وطاحو هالناس بهالماركات وهم مايدرون وين الله حاطهم بس يشترونه عشان يقولون تراه من القرعاوي وبالمبلغ الفلاني وانا اشوف هالحركه قرويه وتخرب ابو اللبس والكشخه !!!

القرعاوي فيه حلو وفيه خايس
واشوف حق البنات حلو بس ماتلقين الا كم قطعه حلوه وانا شايفه فيه كولكشن فضي نسيت اي ماركه يجننن ولو عندي بنت خذته خخخ مايغلى عليها

بس اذا تبين شي حلو وموب متكرر كثير

عندك محلات طريق العليا حلوه بس يبيلك تحوسين شوي وبرضو تراها غاليه بس اقل من القرعاوي

وعندك محل ون اند هاف الظاهر كذا احيانا يجيب ملابس حلوه وغريبه بس مدري وين فروعه اسالي البنات

طبعا تتغير ملابسهم على حسب المواسم احيانا خلاقين