الله يعطيكم العافيه بنات
بس ابي زيادة اراء خصوصا عن تركيا لان النمسا كلكم اجمعتوا انها حلوه

هلا اختي انا سافرت لثنتين تركيا والنمسا
بس سفرتي كانت بشهر 8 والجو كان معتدل بس النمسا بعد 3 شهور يكون جوها معتدل بس اذا سافرتي الى زيلامسي يكون الجو شوي بارد اما تركيا الجو بعد 3 شهور يكون معتدل ماعدا اسطنبول يكون يميل للحراره
اما من ناحيه المشى فيه مشي لان المتعه في السفر المشي لكن بامكانك استجار سياره انا يوم اروح النمسا استاجرنا سياره بانفسنا وانبسطنا في السيره مرررره
واي استفسار انا حاضره وارسلي لي على الخاص اذا بغيتي شي

نسيت اقولك اختي عن اجمل قريه اللي هي اوزنجول في شمال شرق تركيا انا اعتربرها اجمل قريه بالعالم روووووووعه لاتفوتيها اذا رحتي لتركيا وجوها حلوووووووو مرررررررررررررره

رحت لتركيا في شهر جولاي 7 وكانت درجة الحرارة 28 يعني مررررره روعة وبالليل طبعاً ابرد، وجوها احلى من بورصة ويالوا وهالمدينتين مافيهم شي مميز بصراحة انصدمت يوم شفتهم.
بس اسطنبول تستحق الزيارة خصوصاً الاماكن الاثرية والمتاحف بس ماتصلحلك لأنك راح تمشين لساعات وانتي حامل تعب عليك، بدون حمل مت من التعب، لكن فيها طبيعة حلوه واللي شدني فيها ان هالمدينة تجمع بين الجديد والقديم وتشوفين اسوار المدينة القديمة_ القسطنطينية_ شي خيال ترجعين الآف السنيين لورى وتحسفت اني رحت لبورصة كتمة ومافيها بحر.
وعموماً الرحلة كانت عشر ايام كلفتنا كلها 25 الف ريال سعودي.
واذا تبين طبيعة اكثر والاتراك يصفون تلك المنطقة بأنها جنة الله في ارضة، هي ابولو وابونت.

هلا اختي هذي صور لقريه اوزنجول واذا تبين اعطيك موقع خاص يهتم في هالامور انا مستعده


وهذي الصور











بس تراها بعيده عن اسطنبول اكثر من 10 ساعات لكن احنا رحنا لها عن طريق طربزون بطياره طلعنا يعني من اسطنبول طربزون ساعه وشوي وبعدها بسياره الى اوزنجول وخدت ساعه وشوي بس مو خساره التعب فيها انتي شوفي الصور واحكمي