أهلا مستعجلة ماقريت رد الأخوات..

أنا رحت لها الصيف الماااضي ونااسه

خطة رحلتنا كانت
من المطار لفندق صن واي لاغون يومين بكوالامبور..

بعدين رحنا لكاميرون هاي لاند (فندق إكواتاار) خطيير مرره الجو جنااان من الشباك تجيك السحب مررة روعه وفيها مزارع للشاي وللفروالة وللعسل ونفس الفندق يعطيك جولات سياحية وبالكثير يومين تكفيكم

بعدها رحنا لبيننانق وجلسنا خمس أيام فندق موتيرا أنصحك تسوقي منها من جد تحسفت إني أجلت التسوق للكوالامبور بعدين.. المطاعم لا تروحين إلا الامريكية مع الاسف أكلهم مايعجبني مع إنك بتلقين مطاعم عربية بس ماجازتلي ممكن تجوز لك..
مرره روعه البحر والجو والصيد قومي بدري من 8 أو تسع عشان تحسن بقيمة اليوم..

ثم بعد هالخمس أيام رحنا بالسفينة للنكاوي خطييرة هالجزيرة كلها مسلميين.. سكنا بفندق شيرتون بردانا يعني مو مرة الفندق المناظر خيال بس ماعطونا فطور مجاني زي بقية الفنادق
جلسنا بهالجزيرة يومين جوها راائع وطول اليوم واحنا بالزورق مع واحد مسلم نتمشى على الجزيرة أنواع الزواحف والبحرمائيات شفنا وكهوووف خطييرة كأنك في برنامج استكشاف علمي

بعد هالجزيرة رحنا بالطيارة (خذي درجة اولى بالرحلات الداخلية مررة رخيص عندهم ) لكوالامبور.. وسكنا بفندق ريجنت وكل الاسواق حولنا نمشي رجليه لها.. طبعا كوالمبو معروفة أمكانها السياحية ومحدوده وأي سواق لموزين بيدلك عليها.. رحنا منها نص يوم لمرتفعات جنتق مدري عادي والجو بارد ماجازلت بس لاحظنا فنادقها محجوزه للعرب كلها مافي شاغر(وأنا رايحة آخر العطلة وبداية المدارس)!! ورجعنا لكوالامبور وكنا محددينها للتسوق بس تحسفت اني ماتسوق من بينانق (كأنك بالرياض وجده من وين بتتسوقين؟ أكيد جدة )

هذا الي عندي عالسريع وبروح أدرس اسمحي لي وأي سؤال لايردك الخااص عندي مفتووح

على فكرة احجزوا الفنادق من الحين عن طريق أي وكيل سياحي وخذوا أحسن الأماكن.. واستاااااانسيي من جد تونس

على فكرة بالنسبة للحجااب

عبااية كأنك بالسعوودية.. لايهمك أحد تذكري ربك...

رايحة بعباتي على الرأس ولا جاني إلا كل خير وإحترام.. المسلمات بالمساجد هنااك يوسعون الصدر من جد تحسينهم مسلمين..

مرحبا يابنات ..
والله ذكرتوني بالرحله الي ماأجدر أنساها .. ماليزيا بصراحه روعه ..
لكني أنصحج إذا بتاخذين البنات معاج الأفضل إعطائهم التطعيم لدول شرق آسيا عند دكتور الأطفال .. لأن بصراحه بنتي تعبت بعد رجوعنا من ماليزيا لمدة إسبوعين .. ويوم عرف الطبيب إنا قادمين من ماليزيا سألني إذا خذت التطعيم .. وأكد أنه ضروري من كثرة الحالات إلي يته وخصوصا الأطفال إلي يايين من ماليزا .. مع تمنياتي لك وللأسره برحله سعيده وممتعه إنشاالله

الله يعطيكم الف عافيه ويوفق كل اللي كتبوا وبيكتبون ..
بس بغيت ارد عالخوات اللي يذكروني بالحجاب.. طبعا no way أفصخه او اتساهل فيه .. وشكرا للتذكير ..

أختي عسل تراهم هناك محجبات وبعدين بتملين من كثر ماتشوفين السعوديين الي لابسين عبايات كنك بالرياض (الله لايحرمنا منهم) لدرجة ان العائله الواحده تشوفينها 3 مرات في اماكن مختلفه خصوصا في بينانق لانها صغيره وشارع واحد طويل على البحر كله فنادق ومحلات