غريبه؟؟ متأكدين عادي تطلبين حرمه تطابق وهم بيدورونلك حرمه تجي مخصوص تطابق؟؟؟

انا مقد رحت بس اذا ماليزيا اللي هي دولة اسلاميه وكثير سياح سعوديين ومنقبات,,ومع هذا تمرمطنا وكل شوي يطلبون نكشف عشان يطابقون ولا جابوا لنا حريم يطابقون ولا شي,,شلون تركيا؟!!!

انا كنت بمطار صبيحة

واثناء طابور الجوازات (نوقف في الطابور اللي تطابق الجوازات حرمة حتى نرتاح من المرمطة وقلة حياء بعض الناس الغير ودودة )

يعني الواحد يصير ذكي ويبعد عن المشاكل
خلاص هم دولة كذا (حاولي توقفين بطابور تصير حرمة تدقق على الجوازات وبس )

وعلى فكرة هم يدققوا على الجواز في الذهاب والعودة بع يعني مرتين وانتي داخلة وانتي طالعة

أنا تجي من نفسها حرمه تبي تمرر الجهاز علي وتقول اكشفي اقول لها لا ويصادف أشوف غرفه صغيره قمت اشرت عليها ونادت موظفه ثانيه ودخلوني للغرفه
المهم مريت بهالموقف يمكن اربع مرات وفي كل مره تنادي موظفه ثانيه معاها لأني رحت طربزون ثم رجعت اسطنبول يعني تمسكي بموقفك وماعليك منهم ممكن يطيرون عيونهم مستغربين بس اطلبي طلبك بثقه

أنا رحت قبل شهرين (مطار أتاتورك) وكنت حريصة إني أدور على حرمة قبل ما نوقف سرا ... وفي المطار تلقين أكثر من قسم للجوازات .. يعني مثلاً مجموعة 10 كاونترات ممكن تلقينها كلها رجال بس امشي على يمينك أو يسارك تلقين مجموعة كاونترات ثانية لحد ما تلقي حرمة ووقفي وانتظري الله يعينك ... وتوكلي على الله واسأليه الستر...
أنا كنت كل ما مريت عند تفتيش يطلبون كشف وجهي (مش بس عند الجوازات) خاصة في الخروج كرهوني عيشتي وأنا كل شوي كاشفة... بعضهم يدخلونك غرفة وبعضهم النفسية الله المستعان كنت أكشف عالسريع الحرمة تشوفني وأنزِّل... وأصلاً علي عباة راس فما يبان وجهي من الجنب بس اللي قدامي تشوفه وخلاص :)

هم شعب طيب
بس التعامل معهم صعب يعني الي منفتحين والله بس يناظروني ويتغامزون ويعلقون كني جايه من كوكب غريب العبايه والنقاب في اسطنبول غريب جدا بس في يلوا و وبورصا عادي جدا متعودين على الخليجين