السلام عليكم
بنات انا كتبت مشكلتي مع زوجي اللي كان يكلم نوريه (غجريه) عن طريق النت
قلت لكم اني ابكلمه من شريحه سريه على اساس اني وحده تغازل راسلته عن طريق الايميل
واعطيته الرقم
عاد انا ماقدرت اتحمل لما لقيته مرسل لي رساله يقول اتشرف بمعرفتك :mad: ماتحملت انتظرت رجعته من الدوام ولما دخل نام اخذت الجوال ودقيت رقم البنت (اللي هي انا ) لقيته مخزن الرقم باسم فلان الفلاني وهو واحد من ربعه
انقهرت مرة وصرت ارتجف ودموعي تصب بدون مااحس رحت قوته من النوم وانا اساله من هذا
قال لي خويي وارتبك
قلت دق عليه
بلع ريقه وقال ليش (بصراخ)
انا بكيت بحرقه قلت ليش يابو جوري ليه كذا قمت دقيت انا ماردت (اكيد ماراح ترد لانها انا)
قلت ايه ماردت تعرف انه فيه وحدة بترد
قال وشتبين هذا خويي قلت لا دقت عليك ورديت انا << كذابه
تركته ودخلت داخل
لحقني قال والله ماكلمتها كنت ابي اشوف احد مرسلها لي
قلت كذاااااااااااااااااااب:06:
المهم سكرت على حالي الغرفه شوي وارسل لي مسج (حبيبتي لاتدقين عليها دقيت ورد علي رجال طلعت تكذب علي) << كذااااااب يكذب عينك عينك شلون يرد رجال وانا نفسها هي
سكتت وزعلت
وظلينا اسبوع متزاعلين
وامس جاء رضاني وتراضينا قعد يحلف يقول يمكن انا غلطان بس والله ماقصدت اخونك
قلت طيب والنوريه (الغجريه ) قال مو انا هذا صديقي يستخدم ايميلي
سويت حالي غبيه وصدقت كذبته
بس قلت له
شوف انا ببدايه عمري وماابي اعيش مهمومه اذا تكرر هالشي انا مااراح اقعد عندك
اذا خنتني راح اعتبر نفسي طالق
وعدت على خير
بس الله لايوريكم فقدت الثقه فيه بالمرة حتى هو يقول لي اتغيرتي
قلت كان في بينا ثقه احس انه في شي بينا انكسر وعمرة ماراح يتصلح وصعبه العيشه اذا ماكان فيه ثقه بين الزوجين
وهذا انا اتجرع المرار كل يوم ويوم عن يوم يهون الامر عندي واتقبل الموضوع
ادعو لي الله يعمي عيون زوجي عن بنات الحرام ويحليني بعينه ومايشوف غيري
مانسيتك ولا دقيقه @mansytk_ola_dkykh
عضوة فعالة
يلزم عليك تسجيل الدخول أولًا لكتابة تعليق.
القمر_1
•
اختي الغاليه
اكثري من الأستغفار و الدعاء و التقرب الى الله
الله يعمي عيون زوجك عن بنات الحرام ويحليك بعينه ومايشوف غيرك
آمين
اختك القمر_1
اكثري من الأستغفار و الدعاء و التقرب الى الله
الله يعمي عيون زوجك عن بنات الحرام ويحليك بعينه ومايشوف غيرك
آمين
اختك القمر_1
الصفحة الأخيرة
الله يعينك