[Faith] :

هلا عصفوره.. مافي مقارنه بين حليب الام اللي خلقه رب العالمين يناسب احتياجات طفلك ويدعم مناعته، وحتى حرارته تكون مناسبه لطفلك سواء في الشتاء او الصيف بحليب البقر المعالج والمجفف.. حليب الام رزق ساقه الله لطفلك بالاضافه لفوائده والمناعه اللي يعطيها والعاطفه والرابط اللي ماتخلقها الا الرضاعه الطبيعيه بينك وبين طفلك.. وكل الدراسات والابحاث والدكاتره يدعمون الرضاعه الطبيعيه ولها الافضليه بلا منازع او مقارنه مع الحليب المجفف.. وفي مقاطع كثيره ممكن تطلعي عليها تبين لك الفروقات والافضليه، وحاليا الحمدالله انتشرت ثقافة الرضاعه الطبيعيه وهي الافضل وصار في مرشدات للرضاعه وكثير ناشطات في هالمجال يدعمون الام المرضعه ويوجهونها ويكتبون تجاربهم الملهمه والمشجعه.. في الخارج فترة الحمل الام تاخذ دوره عن الرضاعه واهميتها وطرقها ويدعمون الام اللي ترضع اطفالها لانها الافضل لصحة الام والطفل.. وخصوصا ال ٦ اللشهر الاولى هالفتره ضروريه لصحة الطفل ومناعته، تقولين صحتنا مو مثل اللي قبل وانا اختلف معاك، الان لايقارن بزمان، زمان الاكل كان اقل وكان ممكن تمر عليهم ليالي ماياكلون الا الكفاف.. الان عندك انواع الفيتامينات المدعمه اللي تدعم الام المرضعه حتي لو ماكان اكلك صحي.. المكملات متوفره في كل مكان وبارخص الاسعار تساعد وتدعم اي وحده ترضع وتخلي صحتها وطفلها افضل.. بالإضافة الاكل متوفر وبكثره، والخيارات متنوعه ومافي شح ولله الحمد.. وكل هذي عوامل دعم للرضاعه.. بالاضافه شخصياً اشوفه من حق طفلك، واضعف الايمان انك فقط ترضعينه ال٦ شهور الاولي علشان مناعته وصحته.. والان مقارنه باطفالي اللي قبل مع اني كنت ارضعهم الين سته اشهر واوقف وهذا ماوقفت وجدت فرق شاسع في اشياااء كثير هي اللي مخليتني اتحمل التعب والسهر ولا مافي اسهل من اني أجبره علي رضاعه صناعيه وارتاح.. وندمانه اني مارضعتهم جميعا طبيعي ولو يرجع فيني الوقت كان رضعتهم جميعاً واستمريت لكن الحمدالله له الحكمه في كل شئ.. نورتي حبيبتي 🤍

هلا عصفوره.. مافي مقارنه بين حليب الام اللي خلقه رب العالمين يناسب احتياجات طفلك ويدعم مناعته،...