أهلين بنات؟، حبيت أكتب لكم تجربتي مع قطرة الرموش لوميقان، وأتمنى تقرون كلامي من الأخر عشان ما تفهموني غلط وتصير لكم مشكله..أنا خذت القطره على مدح دكتور وكثير جربوها ونفعتهم، لأني كنت من زمان أدور على حل لرموش رموشي كانت منعدمه أيام الثانوي يومياً أحط مسكره وإذا جيت أمسحها أنتف رموشي لين تطلع المسكره أو أشيلها بقوه بمزيل المكياج وأنعدمت صارت خفيفه مره وقصيره وتتساقط وقلت خلني أجرب القطره ذي!...
قالو أنها متوفره بالنهدي ورحت سألت عنها في النهدي وحصلتها وأشتريها سعرها بالخمسين أتوقع ٥٦ ريال إذا ما خاب ظني بس القطره مره نتفه صغنونه لكن كفتني شهرين واللي ماراح تستهلكها كثير بتكفيها ثلاث شهور..
طبعاً أنا قبل ما أشتري شيء من طبعي أبحث وأقرأ عنه والقطره هذي لضغط العين واللي أستخدموها لاحظو أن رموشهم طالت وكثير نصحو فيها لرموش اللي بتسخدمها لا تحطها على العين مباشرة لا أنتبهو!!!!!!..
لازم يومياً قبل النوم تحطون نقطه على راس الغطاء من فوق "غطاء القطره"، وتجيبون فرشه نحيفه ونظيفه نفس فرشة الأيلاينر وتبللون الفرشه بالنقطه وتلامسون خط منابت الرموش كأنكم تحطون أيلاينر فهمتو؟، المهم القطره ترا تغمق الرموش وتطولها فأنتبهو تقرب من الجلد لأنها بتغمقه وبتسبب هالات الأفضل تحاولون تحطونها على خط منابت الرموش من فوق، وأنا حطيت على منابت الرموش السفليه بعد لكن لمسه خفيفه عشان ما تجيني هالات، كمان لما تحسون بدت تخلص القطره بالشهر الثاني حاولو تستخدمونها بأيام متفرقه مره إلى مرتين بالأسبوع يعني وقفوها تدريجياً عشان ما توقفونها فجأه وتنلخم الرموش وتتساقط فهمتو؟، ولما تطول الرموش حافظو عليها قللو المسكره ورطبوها دايم بزيت فيتامين E أو زيت خروع أو زيت اللوز..
المهم مر أسبوع وحسيت رموشي تغيرت بنسبه بسيطه وكملت أسبوعين وما زال التغير واضح ومر شهر وصدق وقتها رموشي تغيرت عن أول والشهر الثاني والقطره بدت تخلص فصرت أستخدمها تدريجياً لين خلصت بعدها بديت أحافظ على رموشي معاد حطيت مسكره إلا بالعزايم بس ودايم أرطبها بزيت فيتامين E وأحياناً الخروع،..
وعلماً أني حطيت منها على حواجبي بعد وجابت نتيجه ما شاءالله حواجبي كانت نصها ميته ورجعت للحياة بعد القطره، كنت أحط نقطه على الغطاء للعين اليمين ونقطه على الغطاء للعين اليسار ونقطه على الغطاء للحاجب اليمين ونقطه على الغطاء للحاجب اليسار أستهلك يومياً ٤ نقاط عشان كذا خلصت بشهرين..
والقطره تحتاج ٤٠ يوم عشان تبين نتايجها يعني شهرين بأختصار..
طيب نجي لسؤال هذا بأختصار القطره جابت نتيجه أو لا وهل يستحق أني أشتريها؟..
القطره تموتتتتت يا بنات فضيععهههه والله العظيم أني أعتبركم مثل خواتي وما تكلمت بالموضوع هذا إلا أني أبي أساعد البنات اللي رموشهم يعانون منها رموشي تغيرت عن قبل بمليون مره ما شاءالله تبارك الرحمن أختي شافتني قالت لازم أشتريها تقول كنك حاطه مسكره وجربت وحطيت مسكره طلعت كأني مركبه رموش ما أبالغ بس هذا كلامي وكلام اللي حولي وصحباتي يسألوني عنها وأخوي تحمس وشراها لأن رموشه منعدمه شوي، المهم القطره تستحق تشترونها مليون مره اللي بتاخذ تاخذ قطره لتجربه وأهم شيء مثل ما قلت لا تحطونها بعيونكم بس على منابت الرموشش، وأهم شيء بعد تذكرون الله وبس يا حلواتت أتمنى أني أفدتكم 😂😍❤️❤️❤️❤️❤️❤️.
