السلام عليكم ورحمة الله
اليوم ياحلوين بقولكم سالفتي المهببه انا وزوجي <فيس يلوي خشته
يوم الاربعاء يوم مقدس بالنسبه للشعب الحبيب...اجازه ووناسة ..كنت معزومة بالليل على ملكة اخت صديقتي
ومن الظهر وانا اتحمم وادهر بالماسكات على فيسي ومن هالخرابيط يوم صار العصر قال زوجي انا رايح الاستراحة وراجع الساعه 2 بالليل <اكيد الليل بس عشان افهمكم السالفه
...قلت وشو تروح الاستراحة ومن بيوديني ملكة اخت صديقتي ..؟؟؟؟؟؟؟؟؟؟
قال اي ملكة ؟
قلت اخت صديقتي وملزمه علي احضر<<وش عندتس يااميرة الطويل :lechz:
ولاملزمه ولا شي
المهم زوجي قال مو شغلي ابروح قلت طييييب بتشوف تمنعني من كل شي..ماعمرك شفتني مستانسة الا وتخرب علي وحياتي اشين حياة مااطلع ولااروح ولااجي ذالني ..
قال وانتي تبيني بس سواق مو لازم تروحين وتفضلين صديقاتس على وناستي
المهم كبرت السالفه براسي واروح اتصل بامي وانا اصيح واميمتي المسكينه تقول تعوذي من ابليس
قلت معصي مايطلعني ولايوديني مكان المهم
ضاق صدر امي واتصلت بزوجي
في هالفتره بعد الصياح والهواش قفلت على غرفتي وقمت اصور نفسي بالجوال خصوصا اني مستشوره الشعر ومدهره بعمري بالماسكات
وش تتوقعون شفت يابنات
اقبح كاين حي ...وجهي حسيته طووووووبل ووجهي باهت وبراطمي منسمه ومسودة ..وعيوني هالات ووجهي انواع البقع ..واصور صوره ثانية واشوف شوي وتنبت لي لحية مدري حسيت بشعره تحت
مع اني يا بنات حليوة عادية واذا تزينت صرت حلوة بس الصوره طلعت عيوبي اللي يشوفها زوجي وصابر
اللمهم اني كرهت شكلي مررره
وصرت احمد ربي اني اعرست وستر على هالضعيف
ومتحمل هالفيس طبعا انا تكلمت عن وجهي لان الجسم عاد انا عندي اثنين وعمليات قيصريه فمايحتاج اقولكم الجسم
قلت في بالي ..يابنت تعوذي من ابليس لاتركب براسة ويعرس بالبنوته النضره البيضاء ام عيون وشفايف وردية
وانتي تجلسين تتحسرين على عمرتس
واقمز اتصل باميمتي وامي حليلها حاطة حيلها رقمها مشغول
واتصلت بي تقول خلاص تجهزي وافق تروحين الملكة لعنت خيره قلت ليه يمة :( قالت وش ليه مو انتي قايلتن لي مايطلعتس ولايوديتس ولايجيبتي
وشوي الباب يطق واروخ احط كريم اساس وماسكرا وكحل وروج وردي واحد شوي على خديداتي يقالي جمال طبيعي ويجي يراضيني وعلى طول رضيت اصلا حتى لو ماراضاني ابرضى وبنشبله بعد هههه
واللي زعلانه صوري عمرتس وشوفي الخشه اللي متحملها سعيد الحظ
+طبعا اللي حلوة مره مسكينه ماتنفعها هالخطة
+ترى انا مو شينه عاديه يعني اميل للجمال
سانديان @sandyan
عضوة نشيطة
يلزم عليك تسجيل الدخول أولًا لكتابة تعليق.
الله يسعدكم مستحيل هاالخطه تنجح اساسا بيقول ليه تقولين لا مك يانونو هههههههههههههه عادي بعصب وبقول حب لغيرك ماتحب لنفسك وبينقهر ويوضني بس مستحيل يوديني على طول هههههههههههه الله يعين
الصفحة الأخيرة
ههههههههههههههه