اللي زوجها او اخوها كتوم تقلط ابغها في موضوع ضروري

حبيبتي الكتوم موما يضحك عادي

بس لاتفكرين انه يقولك أي شي
ونصيحتي لك طنشي:22: لأنك بتتعبين:( :26:

زوجي اذا كان متضايق من شي يكتم بداخله ولو سالته وش فيك قال مافيني شي ويالله يرد علي
اهم شي مايكون متضايق مني وبسلامته

وش دخل الكتوم من الضحك
ممكن احد مايسكر فمه من الضحك<<حلوه المبالغه
بس اذا قربتي له ماتخذين منه شي
وناس العكس
هذا رايي

والله عندي اخو غير عن اخواني كلهم عمره ماسولف معانا ولاضحك معاناابد رغم انه طيب وحنون وكريم وله محبه عند الناس وله هيبه قويه ولكل يقول الله يعين زوجته عليه بس والله مع زوجته غير يسولف معاها رغم انه عصبي الانها ماشاء الله قدرت تغيره وصاير مايخبي عنها شي بعد ماكان يقولها ولاشي الله يهنيهم يارب يعني المره تقدر تغير الرجال بالصبر ماهو بين يوم وليله

انا اقولك و مو اسمه كتوم اسمه الصامت لانه مايضحك الانادر
بس تعرفين انتي تقديرين تقلبينه لدرجه 180 بس مثل ماقلوا البنات مو بين يوم وليله يبيلها سنين على الاقل 3سنوات
انا اقولك من تجربتي زوجي لما تدملي قلوا اهله الله يعينك عليه مايتكلم ولايسولف واذا احد كلمه
مره يرد ومره لا واغلب الوقت ساكت
بس انا غيرته سرت اشوف وش يحب وش هوايته وسرت اتابع معه الي يحبه وبكذا قدرت اخرجه من صمته اساله واناقشه لين بتدريج صار يسولف من دون ماسالهوسويت اختبار له من دون مايعرف يعني ماكنت اقوله وش صار ولاشي اكتشفت انه صار يسال مو زي اول يعني واذا كلمته باختصار قال ابي التفاصيل وصار الحين يقرق يعني يسولف بس بعد مزال في مراح فك عقدت الكلام ولو تسالين اخوك او احد عن اصدقائه يعني المقربين منه تلاقينه غير يعني محتاج احد يفهمه لان بعضهم بعد ماسالت زوجي ليه ماتسولف قال لاني بعض الاحيان مالقي الي يعجبه كلامي وان اكثر الناس يحبون المجاملا ت وانا احب الصراحه وماحب اللف والدوران يعني قولي الموضوع بدون ماتجلسين تمهدين
ولمعلوماتك انا لما اروح عند اهله وماصير عذا الا مره في السنه يشوفون شي جديد فيه قالوا مشاء الله متغير وش سويتي فيه قلت ابد طريقه سريه وماعلمك قالو طول السنين وهو على الحال وشلون غيرتيه قلت عادي كل شي يتغير ليه ماتبون يتغير قالو بالعكس صار يسولف ويمزح ويسال عنا مو مثل اول ماحد يكلمه مطفشنا ومايضحك الانادر واذا ضحك قلنا اليوم عيد
يعني باختصار المراه هي الي تقدر تغيره وغيرها مستحيل وسباحن الي يغير ومايتغير

سلام وان شاء الله افدتك